საზოგადოება

თურქეთის ქალაქ გედიზთან ავტოავარიას საქართველოს მოქალაქე ემსხვერპლა

თურქეთში ქუტაიჰას პროვინციაში, ქალაქ გედიზთან ახლოს მომხდარ ავტოსაგზაო შემთხვევას საქართველოს მოქალაქე ემსხვერპლა.

ადგილობრივი მედიის ინფორმაციით, ავარიის შედეგად სატვირთო ავტომობილი, რომელსაც საქართველოს სანომრე ნიშნები ჰქონდა, გზიდან გადავარდა.

მაშველებმა შემთხვევის ადგილას გარდაცვლილი მძღოლი იპოვეს, რომელიც საქართველოს მოქალაქე აღმოჩნდა. ცხედარი ქალაქ გედიზის პროზექტურაში გადაასვენეს.

მომხდარზე დაწყებულია გამოძიება.