რეგიონები

უამინდობის გამო ქუთაისის აეროპორტი შეფერხებით მუშაობს

ძლიერი ყინვისა და თოვლის გამო, ქუთაისის საერთაშორისო აეროპორტი შეფერხებით მუშაობს.

ავიაკომპანია ,,ვიზეარის’’ თვითმფრინავი, რომელიც მემინგენი-ქუთაისის რეისს ასრულებდა, თბილისის საერთაშორისო აეროპორტში დაეშვა.

ავიარეისებთან დაკავშირებით განახლებული ინფორმაცია ქუთაისის საერთაშორისო აეროპორტის facebook-ის გვერდზეა გამოქვეყნებული.

ინფორმაციის თანახმად, ბუდაპეშტიდან თვითმფრინავი ჩამოფრინდება 18 დეკემბერს, 05:50 სთ-ზე და ქუთაისიდან ბუდაპეშტის მიმართულებით გაემგზავრება 06:20 სთ-ზე.

ვარშავას რეისი ჩამოფრინდება 18 დეკემბერს 06:10 სთ-ზე და გაფრინდება 06:40 სთ-ზე.

მეტეოროლოგიური პირობების გამო, ასევე გაუქმებულია სალონიკის დღევანდელი რეისი.

სოფიას მიმართულებით რეისი შესრულდება 14:30 სთ-ზე.

ნინო ექვთიმიშვილი