პოლიტიკა

უბნის ინსპექტორს უახლეოს პერიოდში ახალი სახელი და ფუნქციები ექნება - გიორგი გახარია

,,უბნის ინსპეტორს“ უახლოეს პერიოდში ახალი სახელი და ახალი ფუნქციები ექნება - განაცხადა პარლამენტის პლენარულ სხდომაზე მოხსენებით გამოსვლისას საქართველოს შინაგან საქმეთა მინისტრმა გიორგი გახარიამ.

მისი ინფორმაციით, თბილისის მასშტაბით ,,უბნის ოფიცერის“ პოზიციის 365 ადამიანია საჭირო.

,,80 ადამიანის მომზადება უკვე დაწყებულია. 10 ივნისიდან გამოცხადდება ღია კონკურსი საქართველოს მოქალაქეებისათვის, რომლებსაც ექნებათ საშუალება მიიღონ მონაწილეობა უბნის ოფიცრების ვაკანტურ ადგილებზე კონკურსში. ჩვენ ვთვლით, რომ უბნის ინსპექტორი არის ის ძირითადი კომპონენტი კრიმინალური პოლიციის, რომლის საფუძველზეც უნდა შეიქმნას საპოლიციო მომსახურება. ძალიან დიდი იმედი გვაქვს, რომ ეს იქნება ძალიან მოთხოვნადი პოზიციები. ამისათვის იქნება სპეციალური აქციები ჩატარებული და ეს ყველაფერი დაიწყება 10 ივნისიდან“, - განაცხადა გახარიამ.

ნინო ექვთიმიშვილი