უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
პოლიტიკა
უმრავლესობა ქმნის დიალოგის ილუზიას - რომან გოცირიძე
„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, საპარლამენტო უმრავლესობა მხოლოდ ილუზიას ქმნის, რომ არჩილ ტატუნაშვილის დაღუპვასთან დაკავშირებულ რეზოლუციაზე მოლაპარაკებები მიმდინარეობს. გოცირიძის თქმით, უმრავლესობა დროს წელავს, რათა შეათანხმოს რეზოლუცია ყოფილი პრემიერ ბიძინა ივანიშვილთან.
„სინამდვილეში ხდება ის, რომ სანქციებთან დაკავშირებული საკითხი შესათანხმებელია საგარეო საქმეთა სამინისტროსთან, ანუ თუკი დავაზუსტებთ, ჯერ ბიძინა ივანიშვილთან არ არის შეთანხმებული. ამიტომ სჭირდებათ დროის გაწელვა და ქმნიან დიალოგის ილუზიას. პარლამენტის რეზოლუციაში ელემენტარული რამ უნდა ჩაიწეროს, რომ შედგება სია, სადაც იმ ადამიანების შეყვანა მოხდება, რომლებმაც არაადამიანური ქმედება ჩაიდინეს და ხალხი დახოცეს, ასევე სიაში უნდა შევიდნენ ის პირები, ვინც ყოველივე ამას შეუწყეს ხელი. რა სირთულეა ამის გაკეთებაში?!“ – განუცხადა ჟურნალისტებს დეპუტატმა.
პარლამენტში ორი რეზოლუციაა წარდგენილი, საპარლამენტო უმრავლესობისა და უმცირესობის. უმრავლესობა ითხოვს საერთაშორისო გამოძიების ჩატარებას არჩილ ტატუნაშვილის საქმეზე, ხოლო უმცირესობა ტატუნაშვილი-ოთხოზორიას სიის შედგენას, ხოლო იქ შეყვანილ პირებზე სანქციების დაწესებას. ორივე მხარე რეზოლუციის ერთიან ვერსიაზე მართავენ კონსულტაციას.