უკან

პოლიტიკა

20 ივნისი, 2018 11:05
font-size

უპირობოდ, მთავრობის ამ შემადგენლობას სრული მხარდაჭერა ექნება - გია ვოლსკი

საპარლამენტო უმრავლესობის წევრის, გია ვოლსკის განცხადებით, პრემიერ-მინისტრობის კანდიდატ მამუკა ბახტაძის მიერ წარდგენილ სამთავრობო გუნდს სრული მხარდაჭერა ექნება პარლამენტის მხრიდან. დეპუტატმა აღნიშნა, რომ ბახტაძეს უნდა მიეცეს საშუალება, რომ 2-3 კვირის განმავლობაში არა მხოლოდ სამთავრობო, არამედ მთავრობის მართვის სისტემის ცვლილებები განახორციელოს.

„ძალიან საინტერესო ხედვები წარმოადგინა პრემიერ-მინისტრობის კანდიდატმა, რამდენიმე თვეა, რაც ყურადღებით ვადევნებთ თვალყურს რეფორმებს, რომელსაც ფინანსთა სამინისტრო ახორციელებს. ვფიქრობ, უფრო დახვეწილი იქნება მამუკა ბახტაძის მიერ წარმოდგენილი პროგრამა. იმ შენიშვნების, შემდეგ რაც მოისმინეს ფრაქციებში, კომიტეტებში, ვფიქრობ, მას უნდა მიეცეს საშუალება, რომ უახლოესი პერიოდისთვის, ორი-სამი კვირის განმავლობაში სრულად წარმოადგინოს ის ხედვები, რომელიც უნდა აისახოს არა მარტო შემადგენლობის ცვლილებებში, არამედ მთლიანად, მთავრობის მართვის სისტემის ცვლილებებში.

უპირობოდ, მთავრობის ამ შემადგენლობას ექნება სრული მხარდაჭერა – დავარქვათ დროებითი მთავრობა თუ დროებითი, გარდამავალი პერიოდი. გარდამავალი პერიოდი იმისთვის არის საჭირო, რომ წარმოდგენილი იყოს გაცილებით ნათელი სურათი, სქემა იმ მართვისა, რომელითაც ჩვენ უახლოეს პერიოდში უნდა ვიცხოვროთ“, – განაცხადა ვოლსკიმ.

დღეს პარლამენტის რიგგარეშე სხდომაზე საქართველოს მთავრობის შემადგენლობისა და სამთავრობო პროგრამისთვის ნდობის გამოცხადების საკითხზე იმსჯელებენ. მამუკა ბახტაძის მიერ წარდგენილ სამთავრობო გუნდში მინისტრობის სამი ახალი კანდიდატია. საგარეო საქმეთა მინისტრის პოსტზე წარდგენილია დავით ზალკალიანი, ეკონომიკისა და მდგრადი განვითარების მინისტრის თანამდებობაზე – გიორგი ჩერქეზიშვილი, ხოლო ფინანსთა მინისტრად – ნიკოლოზ გაგუა. სამივე მათგანი შესაბამის უწყებებში მინისტრის მოადგილეების პოსტებს იკავებდა.

პრემიერ-მინისტრობის კანდიდატი გუნდთან ერთად პარლამენტს სამთავრობო პროგრამას გააცნობს. შემდეგ სხდომა კითხვა-პასუხისა და სიტყვით გამოსვლების რეჟიმში გაგრძელდება. რიგგარეშე პლენარულ სხდომაზე ამის შემდეგ კენჭისყრაზე მთავრობისა და სამთავრობო პროგრამისთვის ნდობის გამოცხადების საკითხი დადგება. პარლამენტს უახლოეს სამ კვირაში სტრუქტურულად და პერსონალურად შეცვლილი მთავრობის შემადგენლობა წარედგინება და მთავრობა ნდობის მისაღებად პარლამენტში კიდევ ერთხელ მივა.

პარლამენტის რიგგარეშე სხდომა დღეს 12:00 საათზე დაიწყება.

ბრიუსელში ორ კვირაში გვექნება საქართველოს პრემიერის მასპინძლობის სიამოვნება, მახარებს გზავნილი, რომელიც ბატონმა პრემიერმა გამოხატა და რომელსაც ევროკავშირში წავიღებ - შარლ მიშელი

1 მარტი, 2021 , 19:22

 ბრიუსელში ორ კვირაში გვექნება საქართველოს პრემიერ-მინისტრის მასპინძლობის სიამოვნება. ასოცირების საბჭოს შეხვედრაა ჩანიშნული. ეს ყველაზე მნიშვნელოვანი ფორმატია ჩვენი ურთიერთობის, – ამის შესახებ ევროპული საბჭოს

მე პირადად გარწმუნებთ, რომ საქართველოს უახლოეს პერიოდში ექნება ვაქცინებზე წვდომა - შარლ მიშელი

1 მარტი, 2021 , 19:05

ჩვენ ვართ ყველაზე დიდი მონაწილე ამ პროცესში, იმისათვის, რომ თქვენ გქონდეთ წვდომა ვაქცინებზე და მე პირადად გარწმუნებთ, რომ საქართველოს უახლოეს პერიოდში ექნება ვაქცინებზე წვდომა, - ამის შესახებ ევროპული საბჭოს პრეზიდენტმა

ევროკავშირი არის სანდო პარტნიორი და მეგობარი საქართველოსთვის და საქართველო არის მთავარი პარტნიორი ევროკავშირისთვის - შარლ მიშელი

1 მარტი, 2021 , 18:52

ევროკავშირი არის სანდო პარტნიორი და მეგობარი საქართველოსთვის და საქართველო არის მთავარი პარტნიორი ევროკავშირისთვის, - ამის შესახებ ევროპული საბჭოს პრეზიდენტმა შარლ მიშელმა, საქართველოს პრემიერ-მინისტრ ირაკლი ღარიბაშვილთა

მზად ვარ, ოპოზიციასთან შეხვედრას დავესწრო, მადლობა შარლ მიშელს ამ ინიციატივისთვის - ირაკლი ღარიბაშვილი

1 მარტი, 2021 , 18:39

საქართველოს პრემიერ-მინისტრის, ირაკლი ღარიბაშვილის განცხადებით, მზად არის, დღეს ოპოზიციასთან შეხვედრა გამართოს. ღარიბაშვილმა ევროპული საბჭოს პრეზიდენტს შეხვედრის ინიციატივისთვის მადლობა გადაუხადა. „მინდა, გამოვეხმა

შარლ მიშელს შევთავაზე, რომ პროცესი მედიაციიდან მოდერატორობაში გადავიდეს - მამუკა ხაზარაძე

1 მარტი, 2021 , 17:35

ევროპული საბჭოს პრეზიდენტთან, შარლ მიშელთან გამართული შეხვედრიდან გამოსული „ლელოს“ ლიდერი, მამუკა ხაზარაძე აცხადებს, რომ მან მიშელს პოლიტიკური დიალოგის აქტიურ ფაზაში, მედიაციიდან მოდერატორობაში გადასვლა შესთა

ჩვენ კომპრომისის სახით ვთქვით, რომ რიგგარეშე არჩევნების ნაცვლად, შეგვიძლია, წავიდეთ პლებისციტზე - გიორგი ვაშაძე

1 მარტი, 2021 , 17:15

ჩვენს მხარესთან იყო თხოვნა, რომ რა თქმა უნდა, უნდა ვიყოთ გარკვეულწილად კომპრომისულები. ჩვენ კომპრომისის სახით ვთქვით, რომ რიგგარეშე არჩევნების ნაცვლად, შეგვიძლია, წავიდეთ პლებისციტზე, - ამის შესახებ „სტრატეგია აღმა