პოლიტიკა

უსაფრთხოების გარეშე ვერანაირი ეკონომიკური განვითარება ვერ იქნება სწრაფი და ვერ იქნება მდგრადი - გიორგი გახარია

უსაფრთხოების გარეშე ვერანაირი ეკონომიკური განვითარება ვერ იქნება სწრაფი და რაც მთავარია, ვერ იქნება მდგრადი, – განაცხადა საქართველოს შინაგან საქმეთა მინისტრმა გიორგი გახარიამ სასტუმრო “რედისონში, სადაც ბიზნესმენებთან შეხვედრა გამართა.

მინისტრის თქმით, ეკონომიკის ძალიან მნიშვნელოვანი სექტორები, როგორიც არის ტურიზმი, ტრანზიტი, პირდაპირ დაკავშირებულია უსაფრთხოების თემებთან.

„უსაფრთხოების გარეშე ვერანაირი ეკონომიკური განვითარება ვერ იქნება სწრაფი და რაც მთავარია, ვერ იქნება მდგრადი. ჩვენ ეს ყველას კარგად გვესმის. განსაკუთრებით გვესმის, რომ საკმაოდ მწვავე გამოწვევების წინაშე მდგომ რეგიონში ვცხოვრობთ და ვმუშაობთ. ასევე კარგად გვესმის, რომ ჩვენი ეკონომიკის ძალიან მნიშვნელოვანი სექტორები, როგორიც არის ტურიზმი, ტრანზიტი, პირდაპირ არის დაკავშირებული უსაფრთხოების თემებთან, მათ შორის ენერგეტიკა”, – განაცხადა გიორგი გახარიამ.

მინისტრმა იმედი გამოთქვა, რომ თანამშრომლობა შინაარსობრივი და საინტერესო შედეგის მომტანი იქნება.

გიორგი გახარიას განცხადებით, ბიზნესმენებს დღევანდელ შეხვედრაზე გააცნობს იმ რეფორმებს, რომლებიც შსს-ში გატარდა.

ნინო ექვთიმიშვილი