უკან

უახლესი ამბები

დღის კალენდარი

ანონსები

არქივი

საზოგადოება

25 აპრილი, 2019 14:55
font-size

ვაჟა-ფშაველას გამზირზე არსებული მეტროს შახტის რეაბილიტაცია დაიწყეს

ვაჟა-ფშაველას გამზირის N83-ის მიმდებარედ, გზის სავალ ნაწილზე არსებული მეტროს 50-ე შახტის რეაბილიტაცია დაიწყო. ადგილზე თბილისის მერი კახა კალაძე იმყოფებოდა.

მერიის ცნობით, ავტოტრანსპორტო საშუალებების შეუფერხებლად გადაადგილებისთვის შახტის დაღრმავება და გადახურვაა საჭირო, რათა მან ფუნქცია არ დაკარგოს. სამუშაოები ასევე, მოცემულ ობიექტზე არსებული უფუნქციო შენობა-ნაგებობებისა და ლითონის ღობის დემონტაჟს გულისხმობს. პარალელურად, რეაბილიტაცია ჩაუტარდება გზის არსებულ საფარს, მოეწყობა ტროტუარები ახალი ბორდიურით, ლითონის ცხაურები და სანიაღვრე სისტემა.

„ეს სერიოზული პრობლემა იყო განსაკუთრებით ადგილობრივი მოსახლეობისთვის და ასევე მძღოლებისთვის, ვინც ამ გზით გადაადგილდება. ვაჟა-ფშაველას N83 დაახლოებით 20-25 წელია ამ მდგომარეობაშია. აქ არის მეტროს შახტი, რომლის მოწესრიგებაც გვინდა, რათა საავტომობილო გზა გაიხსნას და მძღოლებს გვერდის ავლა არ უწევდეთ. ის პრობლემას წარმოადგენს ფეხით მოსიარულეებისთვისაც. ყველაფერი დაახლოებით 3 თვეში მოწესრიგდება. გამყოფი ზოლი გამწვანდება და მისი რეაბილიტაცია მოხდება, ხოლო შახტი გვერდით იქნება გადატანილი ისე, რომ გზაგამყოფში მოექცეს და მოძრაობას ხელი არ შეუშალოს“, - განაცხადა კალაძემ.

ინფრასტრუქტურის განვითარების საქალაქო სამსახურის უფროსის გალაქტიონ ბუაძის თქმით, საბჭოთა კავშირის დროიდან მოყოლებული, მეტროსადგურის მშენებლობის დროს ეს ტერიტორია გამოიყენებოდა სავენტილაციო შახტის მოსაწყობად, ასევე, აქედან ხდებოდა გარკვეული სამშენებლო მასალების მიწოდება წარმოებულ სამუშაოებზე.

„ეს სავენტილაციო შახტი 7 მეტრის დიამეტრის და დაახლოებით 36 მეტრი სიგრძისაა. მისით ხდება გვირაბების განიავება. შახტი განთავსებულია შემოღობილი ტერიტორიის შიგნით, იმ ადგილზე, სადაც გზა უნდა გადიოდეს. შახტი გადმოიწევს დაახლოებით გამწვანების ტერიტორიაზე, სადაც მომავალში მოეწყობა გამწვანების თარგი. თავად შახტი ფუნქციონირებას განაგრძობს, უბრალოდ შევძლებთ, რომ შემოფარგლულ ადგილას მოძრაობა აღვადგინოთ იქ, სადაც მოსახლეობას ათწლეულების განმავლობაში უწევდა შემოვლა“, - განაცხადა ინფრასტრუქტურის განვითარების საქალაქო სამსახურის უფროსმა.

სამუშაოების ღირებულება, რომელსაც შპს „ჰიდროტექნოლოგიური ჯგუფი“ შეასრულებს, 1 084 675 ლარს შეადგენს.

ვაკე - საბურთალოს გზაზე კლდის მასა ჩამოიშალა

22 მაისი, 2019 , 19:23

ჭაბუა ამირეჯიბის გზატკეცილზე (ვაკე-საბურთალოს ახალი გზა) კლდის მასა ჩამოიშალა. ქვები სავალი გზის ნაწილზეა ჩამოცვენილი, რის გამოც საავტომობილო მოძრაობა ნაწილობრივ არის შეფერხებული.

გამოვხატავთ უკიდურეს შეშფოთებას ბათუმის უნივერსიტეტში სავარაუდო სექსუალური შევიწროების ფაქტთან დაკავშირებით - არასამთავრობო ორგანიზაციები

22 მაისი, 2019 , 19:05

აჭარაში მოქმედი არასამთავრობო ორგანიზაციები შეშფოთებას გამოთქვამენ ბათუმის შოთა რუსთაველის სახელობის სახელმწიფო უნივერსიტეტისსტუდენტის განცხადებასთან დაკავშირებით, რომელიც ლექტორის მიერ სავარაუდო სექსუალურ შევიწროებას ეხ

ცხრა წლის დაჩი გულუა შს მინისტრს უახლოეს დღეებში შეხვდება

22 მაისი, 2019 , 17:27

საქართველოს შინაგან საქმეთა მინისტრი გიორგი გახარიამ ცხრა წლის დაჩი გულუას წერილს უპასუხა. როგორც საქართველოს პირველ არხს ბავშვის დედამ, ნათია ანასტასიადმა განუცხადა. „სამინისტროს წარმომადგენლები უკვე დაგ

საყოველთაო ჯანდაცვა არ არის ფუფუნება ან პრივილეგია, ეს ყველას უფლებაა და არავინ უნდა დარჩეს ამ უფლების მიღმა - დავით სერგეენკო

22 მაისი, 2019 , 17:10

საყოველთაო ჯანდაცვა არ არის ფუფუნება ან პრივილეგია, ეს ყველას უფლებაა და არავინ უნდა დარჩეს ამ უფლების მიღმა, – ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვი

პროექტი „თბილისის მუზეუმების კვირეული’’ მოსწავლეთათვის წელს მეორედ ტარდება

22 მაისი, 2019 , 16:40

თბილისის საკრებულოს განათლებისა და კულტურის კომისიის ინიციატივით, მუზეუმების საერთაშორისო კვირეულის ფარგლებში, პროექტი „თბილისის მუზეუმების კვირეული’’ მოსწავლეთათვის წელს მეორედ იმართება. თბილისის საკრე

თბილისში, ბათუმში, რუსთავსა და ქუთაისში აზოტის დიოქსიდისა და მყარი ნაწილაკების გადაჭარბება დაფიქსირდა

22 მაისი, 2019 , 15:40

საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო, ავტომატური სადგურების საშუალებით, ატმოსფერული ჰაერის ხარისხის უწყვეტ მონიტორინგს აგრძელებს. თბილისში, ბათუმში, რუსთავსა და ქუთა