უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ვანო მერაბიშვილთან რუსთავი2-სა და მისი სასამართლო პროცესის შესახებ ვისაუბრე - გიგა ბოკერია
„ევროპული საქართველოს“ ერთ-ერთი ლიდერი, გიგა ბოკერია ე.წ მატროსოვის ციხეში ვანო მერაბიშვილს შეხვდა.
როგორც ოპოზიციონერმა დეპუტატმა, მედიას, ციხიდან გამოსვლის შემდეგ განუცხადა, შეხვედრაზე საუბარი შეეხეო რუსთავი2-ის ირგვლის განვითარებულ მოვლენებსა და სტრასბურგის სასამართლოში 8 მარტს ჩანიშული თავად მერაბიშვილის საკითხის განიხლვას.
„მის პერსონალურ საქმეზე გვქონდა საუბარი, ისევე როგორც ზოგად ვითარებაზე, და რა თქმა უნდა, პირველ რიგში, რუსთვი2-ის გარშემო შექმნილ სიტუაციაზე.
ადამიანის უფლებათა სასამართლოში იცით, რომ განიხილება რუსთავი2-ის საქმე და ისტორიული ზომა იქნა მიღებული როდესაც შეჩერების მექანიზმი იქნა გამოყენებული 8 მარტამდე. ამავე დროს, რამდენიმე დღეში, იქნება ვანო მერაბიშვილის საქმის განხილვა, სადაც, ასევე პოლიტიკურ დევნასთან დაკავშირებით იქნება მიღებული გადაწყვეტილება. ძალიან მნიშვნელოვანია, რომ ის ევროპული ინსტიტუტები ეფექტურად გამოვიყენოთ, რათა ქვეყანა ამ ძალიან სახიფათო გზიდან გადავიყვანოთ“,-აღნიშნა ბოკერიამ.
სტრასბურგის სასამართლოში ვანო მერაბიშვილის საქმე 8 მარტს განიხილება. სასამართლოში გასაჩივრებულია ევროკონვენციის მე-18 მუხლის დარღვევა.
ევროპული სასამართლოს კოლეგიამ განხილვისთვის დასაშვებად ცნო საქართველოს მთავრობის საჩივარი, რომელიც შინაგან საქმეთა ყოფილი მინისტრის ვანო მერაბიშვილის საქმეს უკავშირდება.
ამასთან, ევროსასამართლომ რუსთავი 2-თან დაკავშირებით უზენაესი სასამართლოს მიერ გამოტანილი გადაწყვეტილების აღსრულება შეაჩერა.
მონიკა დავლიანიძე