უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
პოლიტიკა
ვაშინგტონში ვიზიტის ფარგლებში მიხეილ ჯანელიძე სენატორებს შეხვდა
საქართველოს საგარეო საქმეთა მინისტრმა მიხეილ ჯანელიძემ ვაშინგტონში ვიზიტის ფარგლებში შეხვედრები გამართა სენატორებთან ტედ კრუზი (რ-ტეხასი), ლინდსი გრემი (რ-სამხრეთ კაროლინა) და კონგრესმენთან დანკან ჰანტერი (რ-კალიფორნია).
საქართველოს საგარეო საქმეთა სამინისტროს ინფორმაციით, შეხვედრებზე საუბარი შეეხო საქართველოს მიერ ბოლო პერიოდში დემოკრატიული განვითარებისა და ევროატლანტიკური ინტეგრაციის მიმართულებით მიღწეული პროგრესს, რეგიონში უსაფრთხოების მდგომარეობას და ოკუპირებულ ტერიტორიებზე არსებული ვითარებას.
მინისტრმა ხაზი გაუსვა აშშ-ს კონგრესის მხრიდან მცოცავი ანექსიის დაგმობის მნიშვნელობას და აღნიშნულ კონტექსტში კიდევ ერთხელ გამოხატა მადლიერება 2017 ფისკალური წლის აშშ-ის კონსოლიდირებული ასიგნებების აქტში საქართველოს ტერიტორიების ოკუპაციის შესახებ ჩანაწერის დაფიქსირების გამო. ამასთანავე, იმედი გამოთქვა რომ სენატი და წარმომადგენელთა პალატა მომავალი წლის ასიგნებების აქტშიც იგივე ჩანართის დატოვებას გაუწევენ რეკომენდაციას.
მინისტრთან შეხვედრებზე ამერიკელმა კანონმდებლებმა საქართველოს მიმართ მხარდაჭერის მზადყოფნა გამოხატეს.