კომენტარი

ვიბრძოლებთ, რომ მოხდეს მორიგება, წინააღმდეგ შემთხვევაში, არბიტრაჟის სივრცეში გადანაცვლება მოგვიწევს - ილია ელოშვილი

ჩვენ ბოლო წუთამდე ვიბრძოლებთ იმისთვის, რომ მოხდეს მხარეებს შორის მორიგება, თუ არადა მოგვიწევს არბიტრაჟის სივრცეში გადანაცვლება, - განუცხადა ჟურნალისტებს ენერგეტიკის მინისტრის მოადგილემ, ილია ელოშვილმა "ყაზტრანსგაზ-თბილისთან“ დაკავშირებულ საკითხის კომენტირებისას.

"შეხვედრები, რა თქმა უნდა, იქნება. ყველაზე საუკეთესო გადაწყვეტილება არის მხარეებს შორის მორიგება ისე, რომ არ ჩაერიოს არც არბიტრაჟი და არც სასამართლო.

ჩვენ ბოლო წუთამდე ვიბრძოლებთ იმისთვის, რომ მოხდეს მხარეებს შორის მორიგება, თუ არადა მოგვიწევს არბიტრაჟის სივრცეში გადანაცვლება", - განაცხადა ილია ელოშვილმა.

ცნობისათვის, ცოტა ხნის წინ გავრცელდა ინფორმაცია, რომლის თანახმადაც, კომპანია "ყაზტრანსგაზმა" შესაძლოა, ქართულ მხარეს ინვესტიციების დაბრუნება მოსთხოვოს.

ნინო ექვთიმიშვილი