არქივი
პოლიტიკა
ვიღებთ ვალდებულებას, რომ მინიმალური ხელფასი იქნება 500 ლარი, პენსია გახდება 300 ლარი - თავისუფალი დემოკრატები
თავისუფალმა დემოკრატებმა საარჩევნო ეკონომიკური პროგრამის ნაწილი წარადგინეს. როგორც პარტიაში აცხადებენ, პროგრამის მთავარი აქცენტები მოსახლეობის ყოფის და მატერიალური მდგომარეობის გაუმჯობესებაა. თავისუფალი დემოკრატების წინასაარჩევნო დაპირება - მინიმალური ხელფასი 500 ლარის ოდენობით, 300 ლარიანი პენსია და 4 წლის განმავლობაში მინიმუმ 4 მილიარდით გაზრდილი ბიუჯეტია.
,,თითოეული პენსიონერი იმსახურებეს უკეთეს ცხოვრებას. დღეს არსებული 160 ლარის ნაცვლად, ჩვენ განვსაზღვრეთ აუცილებელი საარსებო მინიმუმი 250 ლარით და ვიღებთ ვალდებულებას, რომ პენსია გახდება 300 ლარი და ინფლაციის შესაბამისად გაიზრდება.
საქართველოს ყველა მოქალაქეს ეკუთვნის უკეთესი ანაზღაურება. ჩვენ ვიღებთ ვალდებულებას, რომ კანონით განსაზღვრული მინიმალური ხელფასი იქნება 500 ლარი. ვეღარავინ ამუშავებს ჩვენს მოქალაქეს საათში 3 ლარზე ნაკლებად.
საქართველოს ექნება უკეთესი ეკონომიკა. ჩვენ ვიღებთ ვალდებულებას, რომ 4 წლის განმავლობაში გავზრდით ბიუჯეტს სულ მცირე 4 მილიარდით“, - აცხადებენ თავისუფალი დემოკრატები.
მარი ნამგალაძე