სამართალი

ვითხოვთ, კობა დავითაშვილმა უარყოს მის მიერ ცილისწამებლური განცხადებები და აანაზღაუროს მორალური ზიანი - პაატა ბურჭულაძის ადვოკატი

ფონდ „იავნანას“ დამფუძნებლის, პაატა ბურჭულაძის ადვოკატის, მარიამ ჩიქოვანის განცხადებით, ისინი ითხოვენ კობა დავითაშვილისგან, უარყოს მისი განცხადება იმის შესახებ, რომ ბურჭულაძე ფონდიდან თანხას იპარავდა, და აანაზღაუროს მორალური ზიანი.

საქმე ეხება ბურჭულაძის სარჩელს დავითაშვილის წინააღმდეგ.

„კობა დავითაშვილმა გააკეთა განცხადება, რომ პაატა ბურჭულაძე ფონდ „იავნანაში“ შესულ თანხებს იპარავდა. ეს არის ცილისწამება, არის პატივისა და ღირსების შემლახავი განცხადება. ჩვენ ვითხოვთ, კობა დავითაშვილმა უარყოს მის მიერ ცილისწამებლური განცხადებები და აანაზღაუროს მორალური ზიანი 25 ათასი ლარის ოდენობით. აღნიშნული თანხა სარჩელოს დაკმაყოფილების შემთხვევაში გადაირიცხება ფონდ იავნანაში",- განაცხადა ბურჭულაძის ადვოკატმა საქალაქო სასამართლოში სხდომის დაწყებამდე.

საქალაქო სასამართლოში დღეს მოსამზადებელი სხდომა იმართება.