უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ზოგად უნარებში მინიმალური ზღვარი აბიტურიენტების 15%-მა ვერ გადალახა - მაია მიმინოშვილი
ზოგად უნარებში მინიმალური ზღვარი აბიტურიენტების 15%-მა ვერ გაალახა.
ინფორმაცია ამის შესახებ ჟურნალისტებს შეფასებისა და გამოცდების ეროვნული ცენტრის ხელმძღვანელმა, მაია მიმინოშვილმა მიაწოდა.
ზოგადი უნარების შედეგები დღეს 12:00 საათიდან გახდა ცნობილი.
როგორც მიმინოშვილმა აღნიშნა, იქიდან გამომდინარე, რომ ზოგადი უნარების გამოცდა ელექტრონულად სწორდება, მისი შედეგები ყველაზე ადრე გამოქვეყნდა.
ამასთან, აპლიკანტებს, ეროვნული გამოცდების ვებ-გვერდზე, www.nace.gov.ge-ზე საკუთარი ნაშრომებისა და შედეგების ნახვა შეეძლებათ.
„ზოგად უნარებში, ტესტის ოთხი ვარიანტი იყო. აღმოჩნდა, რომ ყველაზე რთული მესამე ვარიანტი აღმოჩნდა, ამიტომ დანარჩენი ვარიანტებისგან განსხვავებით, ყველაზე რთული ვარიანტის გამსვლელი ქულა იქნება 21, ხოლო სხვა ვარიანტების კომპეტენციის მინიმალური ზღვარი ისევ 24 ქულა დარჩება“, - განაცხადა მიმინოშვილმა.
მისივე თქმით, ზოგად უნარებში მინიმალური ზღვარი აბიტურიენტების 15%-მა ვერ გადალახა. ეს მაჩვენებელი, წინა წლებისგან მნიშვნელოვნად არ განსხვავდება. ამასთან, აღნიშნა, რომ 80 ქულა არავის მიუღია, ხოლო 79 ქულა რამდენიმე აბიტურიენტმა მიიღო.
„რამდენიმე გამოცდის შედეგი უკვა მზა არის, ანუ გასწორების პროცესი დასრულდა, თუმცა ბაზა მზადდება იმისათვის, რომ გამოვაქვეყნოთ. ეს ეხება იმ გამოცდებს, რომლებშიც აბიტურიენტთა მცირე ნაწილი იღებდა მონაწილეობას, მაგალითად, ეს არის ფრანგული, გერმანული და რუსული, ინგლისური ენის გასწორება ჯერ კიდევ მიმდინარეობს და როგორც კი მზად იქნება, ბაზის გამზადების შემდეგ გამოვაქვენებთ შედეგებს“, - განაცხადა მიმინოშვილმა.
როგორც მიმინოშვილმა აღნიშნა, ყველაზე ხანგრძლივმა ეროვნულმა გამოცდებმა, ხარვეზების გარეშე ჩაიარა. ის 3 ივლისს დაიწყო და დღეს დასრულდა.
„წელს სულ რეგისტირებული იყო 41 ათასამდე აბიტურიენტი, თუმცა სასკოლო გამოცდებში ჩაჭრის გამო, 39 ათასი აბიტურიენტი საგამოცდო პროცესამდე მივიდა, თუმცა 39 ათასიდან 3% არ გამოცხადდა გამოცდაზე. ორშაბათიდან ეტაპობრივად გამოქვეყნდება სხვადასხვა საგნის შედეგები. გამოცდების წინასწარი შედეგების გამოქვენება 5 აგვისტოს დასრულდება“, - განაცხადა მიმინოშვილმა.