უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
არქივი
საზოგადოება
ზოგიერთ ადგილებში ციტრუსებშიც აღინიშნებოდა ფაროსანების არსებობა - სურსათის ეროვნული სააგენტო
სურსათის ეროვნული სააგენტოს უფროსის მოადგილის ზურაბ ლიპარტიას თქმით, ფაროსანების არსებობა ზოგიერთ ადგილებში ციტრუსებშიც აღინიშნებოდა.
როგორც მან მედიასთან საუბარში აღნიშნა, მთავრობამ რისკების კლების მიზნით აჭარას პესტიციდები გადასცა, რომ ციტრუსების შეწამლვა მომხდარიყო.
მისი თქმით, იმ შემთხვევაში, თუ ფერმერები პესტიციდს გამოიყენებენ, აუცილებლად უნდა დაიცვან „ლოდინის პერიოდი“, რაც იმაში მდგომარეობს, რომ ევროპული მონაცემებით, ბოლო წამლობიდან მოსავლის აღებამდე 21 დღე უნდა გავიდეს, რომ არ მოხდეს მავნე ნივთიერებების პროდუქციაში დაგროვება.
„ზოგიერთ ადგილებში ციტრუსებშიც აღინიშნებოდა ფაროსანების არსებობა, მაგრამ არა ისეთი ოდენობით, როგორც ეს სხვა კულტურებში იყო, რადგანაც ამ პერიოდში უკვე ფაროსანების დიდ ნაწილს დასრულებული აქვს კვების ციკლი და ეძებს თავშესაფარს, მცირე ნაწილი კი, რომელიც ჯერაც აგრძელებს კვებას, აღინიშნებოდა ციტრუსებშიც.
რისკი, რომელიც შეიძლებოდა ყოფილიყო ციტრუსთან დაკავშირებით გავითვალისწინეთ და პირველ რიგში, პესტიციდები გადავეცით აჭარის, გურიის და სამეგრელოს ნაწილს, სადაც ციტრუსია. პრეპარატები ოჯახებს დაახლოებით 2 კვირის წინ დაურიგდა. 1 ლიტრი საკმარისია 2 ჰექტარი ტერიტორიის დასამუშავებლად. აუცილებელია ბაღებში მონიტორინგი, დათვალიერება ყოველდღიურ რეჟიმში და ფაროსანების აღმოჩენის შემთხვევაში მათ უნდა შეწამლონ ბაღები“,-განაცხადა ზურაბ ლიპარტიამ.
ლიპარტია ფიქრობს, რომ წელს, ციტრუსთან დაკავშირებით, პრობლემა არ უნდა იყოს.