კომენტარი

ზუგდიდში განმეორებითი კენჭისყრა თავისუფალ გარემოში ჩატარდება, როგორც ეს მოხდა მთელს საქართველოში - არჩილ თალაკვაძე

„ქართული ოცნების“ წევრი არჩილ თალაკვაძე დარწმუნებულია, რომ განმუხურსა და ჯიხაშკარში არჩევნების განმეორებითი კენჭისყრა მშვიდ, კონკურენტულ და თავისუფალ გარემოში ჩატარდება.

„ვაკვირდებით საარჩევნო პროცესს. უბნები გაიხსნა თავის დროზე. როგორც ხედავთ, დამკვირვებლები, ასევე სამართალდამცავი ორგანოების წარმომადგენლები არიან უბანზე. დარწმუნებული ვართ, რომ არჩევნების განმეორებითი ნაწილი აქ ჩატარდება მშვიდ, თვისუფალ, კონკურენტულ გარემოში, როგორც ეს ჩატარდა მთელს საქართველოში“,-აღნიშნა თალაკვაძემ.

შეგახსენებთ, რომ განმუხურსა და ჯიხაშკარის 3 საარჩევნო უბანზე არჩევნების განმეორებითი კენჭისყრა მიმდინარეობს.

პარლამენტის არჩევნების მაჟორიტარული საარჩევნო სისტემით განმეორებით კენჭისყრაში მონაწილეობას იღებს 6 კანდიდატი.

მონიკა დავლაინიძე