კომენტარი

რატომ არ დგება დღემდე პატრიარქის დაცვის სამსახურის უფროსის პასუხისმგებლობის საკითხი? - არჩილ გამზარდია

მე ორი რამ მაკვირვებს- რატომ არ დგება დღემდე პატრიარქის დაცვის უფროსის პასუხისმგებლობის და ერთ-ერთი გავრცელებული ვიდეოს ავტორის ვინაობის გარკვევის საკითხი? - განაცხადა დღეს გამართულ პრესკონფერენციაზე საზოგადოებრივი კომუნიკაციების მართვის სპეციალისტმა, არჩილ გამზარდიამ.

ანალიტიკოსი ფიქრობს, რომ უნდა დაიკითხოს მიტროპოლიტი პეტრეც, რადგან ის ინფორმირებულია მომხდარის შესახებ და დეკანოზ მამალაძეს უდანაშაულოდ აცხადებს.

„უნდა დაიკითხოს მიტროპოლიტი პეტრე, რადგან ის გამუდმებით ამტკიცებს, რომ დეკანოზი უდანაშაულოა, არაა გამორიცხული, ის ზემოქმედებას ახდენდეს დეკანოზ მამალაძეზე, მიტროპოლიტი გადაჭრით აცხადებს, რომ დეკანოზი უდანაშაულოა და ის ბრალს სდებს სახელმწიფოს. რატომ არ ხდება ამ შემთხვევაში მიტროპოლიტ პეტრეს განცხადებების უფრო ძირეული კვლევა. ასევე, პატრიარქის დაცვის უფროსი აცხადებს, რომ ის არ იყო ინფორმირებული ვინ იღებდა ვიდეოს. ეს არის მისი გულგრილი დამოკიდებულება და მაინტერესებს, რატომ არ აყენებს პროკურატურა პატრიარქის დაცვის უფროსის პასუხისმგებლობის საკითხს “, -განცხადა არჩილ გამზარდიამ.

ნინო ექვთიმიშვილი