მსოფლიო

15 გარდაცვლილი, 150-ზე მეტი დაკარგული - ხანძრის შედეგები კალიფორნიაში

სულ მცირე 15 გარდაცვლილი, ხოლო 150-ზე მეტი ადამიანი უგზო-უკვლოდ დაკარგულად ითვლება - ასეთი შედეგები გამოიწვია ჩრდილოეთ კალიფორნიაში გაჩაღებულმა ხანძარმა. ამის შესახებ ბიბისი იუწყება.

ცეცხლი კვირას გაჩნდა და უკვე გაანადაგურა 1500 სახლზე მეტი. ერთ-ერთი ყველაზე დაზარალებული ქალაქი სან ფრანცისკოს ჩრდილოეთით მდებარე სანტა როსა აღმოჩნდა, სადაც მთელი უბნები მიწასთანაა გასწორებული.

კალიფორნიის გუბერნატორმა ჯერი ბრაუნმა საგანგებო სიტუაციის შესახებ გამოაცხადა სონომაში, ნაპასა და 5 სხვა ოლქში.

ხანძარი რთველის პერიოდს დაემთხვა. გავრცელებული ინფორმაციით, 4 მარანი მთლიანად ან ნაწილობრივ დაზარალდა.

კალიფორნიის სახანძრო სამსახურის უფროსის კენ პიმლოტის განცხადებით, 17-ზე მეტი ცეცხლის კერა გაჩნდა 26 000 ჰექტარ ტერიტორიაზე ბოლო 24 საათის განმავლობაში. ის შიშობს, რომ დაღუპულთა რაოდენობა კიდევ გაიზრდება. მისი თქმით, ცეცხლი სწრაფად ვრცელდება.

აშშ-ის პრეზიდენტმა დონალდ ტრამპმა უკვე დაამტკიცა დეკლარაცია სტიქიური უბედურების შესახებ, რომელიც აფინანსებს ფედერალური დახმარების გაწევას.

ანა მებურიშვილი