მსოფლიო

71 დაღუპული, 1000-ზე მეტი დაკარგული - კალიფორნიაში მასშტაბურ ხანძრებს ჯერ კიდევ ვერ აქრობენ

აშშ-ში, კალიფორნიაში მასშტაბური ტყის ხანძრებს სულ მცირე 71 ადამიანის სიცოცხლე ემსხვერპლა, 1011 კი დაკარგულად ითვლება.

წინა მონაცემებით, დაკარგულად 631 ადამიანი მიიჩნეოდა, ხოლო დაღუპულად - 63.

ერთ-ერთი ოლქის შერიფის, კორი ხონის განცხადებით, დაკარგულთა სია ჯერ კიდევ დაუმუშავებელია.

მთვარობაში ვარაუდობენ, რომ დაკარგულთა სიაში მითითებული პირების ნაწილი, სავარაუდოდ, კარგადაა, მაგრამ, შესაძლოა, არც იცოდნენ, რომ ამ ჩამონათვალში არიან შეყვანილი.

კალიფორნიაში მძვინვარე ხანძრები ყველაზე მასშტაბურია შტატის ისტორიაში. დამწვარია 57 000 ჰექტარი მიწის ფართობი.

ყველაზე მეტად დაზარალდა ქალაქი პარადაისი, რომლის სრულ აღდგენას რამდენიმე წელი დასჭირდება.

კალიფორნიის სახანძრო სამმართველოში ფიქრობენ, რომ ხანძრებს თვის ბოლომდე ვერ ჩააქრობენ.

მასშტაბურ ხანძრებს კალიფორნიაში ნოემბრის დასაწყისიდან ებრძვიან.