უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
კომენტარი
ადვოკატთა ასოციაცია დაეხმარება იმ პირებს, ვისაც უნდათ თავიანთი უდანაშაულობა სასამართლოში ამტკიცონ - გიორგი მარგველაშვილი
საქართველოს პრეზიდენტის, გიორგი მარგველაშვილის განცხადებით, ძალიან მნიშვნელოვანია, პოლიტპატიმრის სტატუსის მქონე ადამიანებს თავიანთი სიმართლის მტკიცების შესაძლებლობა ჰქონდეთ.
როგორც გიორგი მარგველაშვილმა პრეზიდენტის ადმინისტრაციასა და ადვოკატთა ასოციაციას შორის, ე.წ. გირგვლიანის შესწორებებთან დაკავშირებით გაფორმებულ მემორანდუმზე საუბრისას აღნიშნა, ის ფენომენი, რასაც ადგილი ჰქონდა წინა ხელისუფლების დროს, საზოგადოებამ შეაფასა, როგორც ძალადობა და სისტემური დანაშაული და ამ პოლიტიკური შეფასების გარდა, ასევე შეიქმნა საკანონმდებლო აქტიც ამნისტიის შესახებ, თუმცა შემდეგ პროცესი წინ არ წასულა.
"საქართველოს პარლამენტმა 2012 წელ დაადგინა პოლიტიკური დევნის ფაქტები და დაადგინა სია იმ ადამიანების, რომელებიც პოლიტიკური ნიშნით იდევნებოდნენ. სამწუხაროდ, ამ წლების განმავლობაში საქმე მნიშვნელოვნად წინ ამ ნაბიჯის იქით არ წასულა. არაერთხელ გავუსვით ხაზი ამ პროცესის ბოლომდე მიყვანის საჭიროებას, თუმცა სამწუხაროდ, ეს საკითხი ჯერ კიდევ არ არის გადაწყვეტილი და მეტსაც ვიტყვი, ამ ეტაპზე ჩვენ გარკვეულწილად უკან მიმავალი პროცესი დავინახეთ, როდესაც სასამართლო სისტემის გაჯანსაღების მაგივრად, ხშირ შემთხვევაში მივიღეთ ისეთი დანიშვნები, რომელთაც გულწრფელი აღშფოთება გამოიწვია ქართულ საზოგადოებაში. მიმდინარე წლის დასაწყისში კიდევ ერთხელ გაჩნდა ინიციატივა ე.წ. გირგვლიანის შესწორებების განხორციელებისა, რომელსაც ბუნებრივია მხარი დავუჭირე, თუმცა დღემდე რაიმე რეალური დოკუმენტი, რომლის თაობაზე შევძლებთ საუბარს, ჩვენს ხელთ არ არის", - განაცხადა მარგველაშვილმა.
მისივე თქმით, ე.წ. გირგვლიანის შესწორებები უნდა ითვალისწინებდეს რამდენიმე მნიშვნელოვან ასპექტს.
"აუცილებელია, რომ ამ შესწორებებით გასწორდეს ის უსამართლობა, რომელიც თვითონ სამართალდამცავ და სასამართლო სისტემაში იმ ადამიანების სახით არსებობს, ვინც ახორციელდებდა ამ დევნას, ვის სახელებსაც უკავშირდება თუნდაც ის პოლიტპატიმრების სია, ვისი ყოველდღიური შესრულებითაც ხორციელდებოდა დევნა და შემდეგ სასამართლო სისტემაში ამ ადამიანებისთვის განაჩენის გამოტანა. ასევე, ძალიან მნიშვნელოვანია, რომ ადამიანებს, ვისაც ჩვენ კანონით მივეცით სტატუსი პოლიტპატიმრების, ჰქონდეთ შესაძლებლობა თავისი სიმართლის მტკიცების. ამ თვალსაზრისითაც ჩვენ სერიოზული ნაბიჯი წინ არ გადაგვიდგამს. პირველი და მნიშვნელოვანი ნაბიჯი იყო მათი გათავისუფლება, მაგრამ ამავე დროს ძალიან ბევრ შემთხვევაში ის გამამტყუნებელი განაჩენი, რომელსაც ჩვენვე დავარქვით პოლიტიკური დევნა, დღეს ძალაშია. შესაბამისად, პოლიტიკური განცხადებების და პოზიციის დაფიქსირების პარალელურად, ჩვენ დავიწყეთ ქმედითი ნაბიჯების გადადგმა. პირველი არის, რომ მოვიწვიეთ გაერო-ს წარმომადგენელი, რომ დაგვეხმაროს ამ რთული ვითარების გადასალახად და მოგვცეს რჩევა ამ მიმართულებით. იმ პირებს, ვინც არიან ცნობილი პოლიტიკურ დევნილებად, ვაძლევთ ხელში რეალურ მექანიზმს თავისი უფლებების აღდგენისათვის. დღეს გაფორმებული მემორანდუმის მიხედვით, ადვოკატთა ასოციაცია დაეხმარება იმ პირებს, ვისაც უნდათ, თავიანთი უდანაშაულობა სასამართლოში ამტკიცონ. მოხდება მეტი ინფორმაციის შეგროვება, თუ ვინ იყვნენ კონკრეტულად ის ადამიანები, რომლებიც ყოველდღიურ რეჟიმში ახორციელდებდნენ ადამიანების ციხეში ჩასმას პოლიტიკური ნიშნით",- განაცხადა საქართველოს პრეზიდენტმა.