უკან
სამართალი
19 ოქტომბერი, 2017 16:35
ალექსი პეტრიაშვილზე თავდასხმის საქმეზე მსჯავრდებულს საპროცესო შეთანხმება გაუფორმდა
ევროინტეგრაციის საკითხებში ყოფილ სახელმწიფო მინისტრ, პარტია „თავისუფალი დემოკრატების“ ყოფილ წევრ ალექსი პეტრიაშვილზე თავდასხმის საქმეზე მსჯავრდებულს საპროცესო შეთანხმება სააპელაციო სასამართლოში გაუფორმდა.
ამის შესახებ მედიას მექვაბიშვილის ადვოკატმა განუცხადა.
მსჯავრდებულ ლევან მექვაბიშვილს თბილისის საქალაქო სასამართლომ 12 წლით თავისუფლების აღკვეთა შეუფარდა, თუმცა დღეს მას სასჯელი 3 წლამდე შეუმცირა.
ალექსი პეტრიაშვილს თავს, საბურთალოს სასაფლაოზე 2016 წლის თებერვალში დაესხნენ. პოლიტიკოსს ცეცხლსასროლი იარაღით რამდენიმე ჭრილობა მიაყენეს.
მონიკა დავლიანიძე