კონფლიქტის ზონა

ანატოლი ბიბილოვი გერმანიის კანცლერს ე.წ „სამხრეთ ოსეთში“ ეპატიჟება

ცხინვალის საოკუპაციო რეჟიმის და-ფაქტო ლიდერი ანატოლი ბიბილოვი გერმანიის კანცლერს ე.წ „სამხრეთ ოსეთში“ ეპატიჟება.

“ძალიან კარგია, რომ ისინი სამხრეთ ოსეთით ინტერესდებიან, მაგრამ ქალბატონმა მერკელმა ალბათ არ იცოდა, რომ ჩვენთან მიღებული არაა სტუმრად მოსვლა ბაღებიდან, ამიტომ, ჩვენ მას ვეპატიჟებით, რომ ჩვენთან კარიდან შემოვიდეს,“- განაცხადა ბიბილოვმა.

ე.წ. სამხრეთ ოსეთის ,,პრეზიდენტი“ იმედს გამოთქვამს, რომ გერმანიის კანცლერმა შეძლო სამხრეთ ოსეთის რესპუბლიკის განვითარების დონის და მნიშვნელოვანი ობიექტების ჭოგრიტით დანახვა.

„ვფიქრობ, რომ ჭოგრიტით, მან დაინახა, როგორი ლამაზი სახლები და ბაღები გვაქვს, ზუსტად შეძლებდა დაეთვალიერებინა რუსეთის უშიშროების ფედერალური სამსახურის სასაზღვრო განყოფილების შესანიშნავი შენობა,“- აღნიშნა ბიბილოვმა.

შეგახსენებთ, საქართველოში ოფიციალური ვიზიტით ჩამოსული გერმანიის კანცლერი ანგელა მერკელი გუშინ საოკუპაციო ხაზთან მივიდა და საოკუპაციო ხაზს მიღმა ტერიტორიები სოფელ ოძისიდან ჭოგრიტით დაათვალიერა.