უკან

უახლესი ამბები

დღის კალენდარი

ანონსები

არქივი

მსოფლიო

7 დეკემბერი, 2017 11:46
font-size

არ იქნება მშვიდობა, თუკი არ აღიარებენ იერუსალიმს ისრაელის დედაქალაქად - ბენიამინ ნეთანიაჰუმ დონალდ ტრამპს მადლობა გადაუხადა

ისრაელის პრემიერ-მინისტრი ბენიამინ ნეთანიაჰუ მიესალმება აშშ-ის პრეზიდენტ დონალდ ტრამპის გადაწყვეტილებას, რომელმაც იერუსალიმი ისრაელის დედაქალაქად აღიარა.

„ეს ისტორიული დღეა! იერუსალიმი ჩვენი იმედების, ჩვენი ოცნებების, ჩვენი ლოცვების ცენტრში იყო 3000 წლის განმავლობაში. იერუსალიმი 3000 წელი იყო ებრაელი ხალხის დედაქალაქი. ზუსტად აქ დადიოდნენ ჩვენი წინაპრები, იდგა ჩვენი ტაძარი, მართავდნენ ჩვენი მეფეები, მოძღვრავდნენ ჩვენი წინასწარმეტყველნი. ათასობით წლის განმავლობაში ებრაელთა თაობები ამბობდნენ ლოცვაში „მომდევნო წელს იერუსალიმში“. ბაბილონის მდინარის პირას, ვარშავის გეტოს კედლებში ყოველი თაობა ტიროდა და ოცნებობდა სიონზე.

ბატონო პრეზიდენტო, ისტორია და ებრაელი ხალხი ყოველთვის დაიმახსოვრებენ დღეს თქვენ მიერ მიღებულ მამაც გადაწყვეტილებას. პრეზიდენტო ტრამპო, ჩვენ მადლობელი ვართ სამართლიანი და მამაცური გადაწყვეტილებისთვის, რომ აღიარეთ იერუსალიმი ისრაელის დედაქალაქად და დაიწყეთ მზადება, რომ აქ გაისნას აშშ-ის საელჩო. მადლობა“, -განაცხადა ნეთანიაჰუმ.

სამადლობელო ვიდეო მან ფეისბუკის საკუთარ გვერდზე გამოაქვეყნა.

ისრაელის პრემიერ-მინისტრის თქმით, აშშ-ის საელჩოს გადატანა იერუსალიმში არ გახდება ახლო აღმოსავლეთში კონფლიქტის გაღრმავების მიზეზი, არამედ პირიქით, ხელს შეუწყობს რეგიონში მშვიდობის დამყარებას, რადგან ყველას რეალობაში დააბრუნებს.

„ჩვეულებრივი ჭეშმარტება და რეალობა ასეთია: არ იქნება მშვიდობა, თუკი არ აღიარებენ იერუსალიმს ისრაელის დედაქალაქად“, - აღნიშნა ნეთანიაჰუმ.

ისრაელის პრემიერ-მინისტრმა ასევე პირობა დადო, რომ სახელმწიფო გააგრძელებს სტატუს-კვოს შენარჩუნებას იერუსალიმში და დაიცავს რწმენის თავისუფლებას ყველა რელიგიისთვის.

„ჩვენ გავაგრძელებთ და გავუწოდებთ მშვიდობის ხელს პალესტინელებსა და ჩვენს მეზობლებს“,- თქვა ისრაელის პრემიერ-მინისტრმა.

მან მოუწოდა მსოფლიო ლიდერებს, მიბაძონ აშშ-ის მაგალითს.

აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა. გადაწყვეტილებას უკვე მოჰყვა საპროტესტო ტალღა მთელ მსოფლიოში.

ტრამპმა ასევე გასცა ბრძანება, რომ სახელმწიფო დეპარტამენტმა დაიწყოს აშშ-ის საელჩოს გადატანის პროცესი თელ-ავივიდან იერუსალიმში. აშშ-ის პრეზიდენტმა ამას უწოდა „ნაბიჯი სამშვიდობო პროცესების წინ წაწევისთვის“ ისრაელსა და პალესტინელებს შორის.

იერუსალიმის დიპლომატიური სტატუსისა და აშშ-ის საელჩოს ადგილმდებარეობის შეცვლით ტრამპმა შეასრულა კონგრესისი მიერ 1995 წელს აღებული ვალდებულება, ე.წ. „იერუსალიმის საელჩოს აქტი“, რომელიც ავალდებუებს ფედერალურ ხელისუფლებას, გადაიტანოს თავისი საელჩო წმინდა ქალაქში.

ანა მებურიშვილი

ისრაელსა და ჰამასს შორის ცეცხლის შეწყვეტის გამო ისრაელის თავდაცვის მინისტრმა თანამდებობა დატოვა

14 ნოემბერი, 2018 , 17:25

ისრაელის თავდაცვის მინისტრი ავიგდორ ლიბერმანი თანამდებობიდან გადადგა. ამ ფორმით მან გააპროტესტა ისრაელის ხელისუფლების გადაწყვეტილება ღაზის სექტორში ცეცხლის შეწყვეტის შესახებ. ლიბერმანმა ისრაელსა და დაჯგუფება ჰამასს შორის

კალიფორნიაში მასშტაბურ ხანძარს 31 ადამიანი ემსხვერპლა, 200-ზე მეტ ადამიანზე კი პოლიციას ინფორმაცია არ აქვს

12 ნოემბერი, 2018 , 11:15

აშშ-ში, კალიფორნიაში მასშტაბური ტყის ხანძრის შედეგად დაღუპულთა რიცხვი 31 ადამიანამდე  გაიზარდა. შტატში არსებული ხანძრის სამი ძლიერი კერის გამო, საცხოვრებლის დატოვება 250 ათასზე მეტ ადამიანს მოუწია. ამ დროისთვის პოლი

მელბურნში დაჯგუფება „ისლამური სახელმწიფოს“ მიმდევარმა ქუჩაში გამვლელებს დაესხა თავს - 1 ადამიანი დაიღუპა, 2 კი დაშავდა

10 ნოემბერი, 2018 , 12:25

ავტსრალიის ქალაქ მელბურნში დანით შეიარაღებული მამაკაცი ქუჩაში გამვლელებს დაესხა თავს. თავდასხმის შედეგად ერთი ადამიანი დაიღუპა, 2  კი დაშავდა.  თავდასხმამდე მამაკაცმა საკუთარ მანქანას ცეცხლი წაუკიდა. თავდასხმელ

კალიფორნიის შტატში ტყის ხანძრების გამო აშშ-ის პრეზიდენტმა საგანგებო მდგომარეობის რეჟიმი შემოიღო

10 ნოემბერი, 2018 , 11:30

აშშ-ის პრეზიდენტმა დონალდ ტრამპმა კალიფორნიის შტატში ტყის ხანძრების გამო საგანგებო მდგომარეობის რეჟიმი შემოიღო. ამის შესახებ თეთრი სახლის ადმინისტრაცია იუწყება. ტრამპმა ადგილობრივი ხელისუფლებისთვის ფედერალური დახმარების

ირლანდიის სენატმა საქართველოს ტერიტორიული მთლიანობისა და მისი ევროკავშირში ინტეგრაციის მხარდამჭერი რეზოლუცია მიიღო

8 ნოემბერი, 2018 , 13:15

ირლანდიის სენატმა ერთხმად მიიღო საქართველოს ტერიტორიული მთლიანობისა და ევროინტეგრაციის მხარდამჭერი რეზოლუცია - "საქართველოს ტერიტორიული მთლიანობისა და მისი ევროკავშირში ინტეგრაციის მხარდაჭერის შესახებ/Motion on support f

უკრაინის გენერალური პროკურორი იოური ლუცენკო გადადგა

6 ნოემბერი, 2018 , 17:20

უკრაინის გენერალურმა პროკურორმა იური ლუცენკომ გადადგომის შესახებ განაცხადა. ამის შესახებ მან უკრაინის უმაღლეს რადაში გამოსვლისას თქვა.   ცნობისთვის, ის საკანონმდებლო ორგანოში გამოიძახეს  აქტივისტისა და ხერ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`