უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
სამართალი
აზერბაიჯანის უზენაესმა სასამართლომ ჟურნალისტი აფგან მუხთარლი პატიმრობაში დატოვა
აზერბაიჯანის უზენაესმა სასამართლომ არ დააკმაყოფილა ჟურნალისტ აფგან მუხთარლის საკასაციო სარჩელი და პატიმრობაში დატოვა. მუხთარლი შეკინის სააპელაციო სასამართლოს გადაწყვეტილებას ასაჩივრებდა.
თვითონ მუხთარლი პროცესს არ დასწრებია.
ადვოკატი ელჩინ სადიგოვი სასამართლოსგან ჟურნალისტის გამართლებას, ხოლო ბრალდების მხარე მისი პატიმრობაში დატოვებას ითხოვდა. ხანმოკლე თათბირის შემდეგ სასამართლო კოლეგიამ გადაწყვიტა, ძალაში დაეტოვებინა მუხთარლისთვის გამოტანილი განაჩენი.
შეგახსენებთ, 2017 წლის 29 მაისს აზერბაიჯანელი ოპოზიციონერი ჟურნალისტი აფგან მუხთარლი თბილისში გაუჩინარდა. შემდგომში გაირკვა, რომ ის აზერბაიჯანში დააკავეს. აფგან მუხთარლის ბრალი სამი მუხლით - აზერბაიჯანის სახელმწიფო საზღვრის უკანონოდ გადაკვეთის, კონტრაბანდისა და ხელისუფლების წარმომადგენლისთვის წინააღმდეგობის გაწევის ან ძალადობის მუხლებით ჰქონდა წაყენებული.
საქართველოს შსს-მ მუხთარლის საქმეზე გამოძიება სსკ-ის 143-ე მუხლით დაიწყო, რაც გულისხმობს თავისუფლების უკანონო აღკვეთას. თავად ჟურნალისტმა საკუთარ გატაცებაში საქართველოს მთავრობა, კრიმინალური პოლიციის, სასაზღვრო სამსახურისა და საბაჟოს თანამშრომლები დაადანაშაულა.
2018 წლის 12 იანვარს აზერბაიჯანულმა სასამართლომ აფგან მუხთარლის 6 წლით თავისუფლების აღკვეთა მიუსაჯა.
საერთაშორისო უფლებადამცველმა ორგანიზაციამ Amnesty International-მა მუხთარლი „სინდისას პატიმრად“ აღიარა.