მსოფლიო

ბელარუსის დედაქალაქში საპროტესტო აქციები გრძელდება

ბელარუსის დედაქალაქის ქუჩებში საპროტესტო აქციები გრძელდება. ამის შესახებ ინფორმაციას სააგენტო Tut.by ავრცელებს.

მინსშკი ავტომობილების მძღოლების ნაწილმა ავტოპროტესტი მოაწყო. ჩელიუსკინელების პარკთან თეთრებში ჩაცმული ქალები შეიკრიბენენ, რომლებსაც ხელში ყვავილები ეჭირათ. სოლიდარობის აქცია გაიმართა ბელარუსის ტელეკომპანიასთანაც.

ბელარუსის დედაქალაქში მიმდინარე სოლიდარობის აქციას შეურთდნენ მინსკის პირველი საავადმყოფოს ექიმები და ფილარმონიის თანამშრომლებიც.

შეგახსენებთ, ბელარუსში რამდენიმე დღეა საპროტესტო აქციები მიმდინარეობს. დემონსტრანტები ცხრა აგვისტოს ჩატარებული საპრეზიდენტო არჩევნების შედეგებს აპროტესტებენ. ბელორუსის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტ ალექსანდრ ლუკაშენკოს ამომრჩეველთა 80,23 პროცენტმა დაუჭირა მხარი, მის მთავარ მეტოქეს, სვეტლანა ციხანოვსკაიას ამომრჩეველთა 9,9 პროცენტმა მისცა ხმა.