უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
მსოფლიო
ბრიტანეტის თემთა პალატამ ამერიკული „მაგნიტსკის აქტის“ მსგავს კანონპროექტს მხარი დაუჭირა
ბრიტანეთის პარლამენტის თემთა პალატამ მიიღო ამერიკული „მაგნიტსკის აქტის“ მსგავსი კანონპროექტი. ახალი კანონის თანახმად, იმ მაღალჩინოსნებს, რომლებსაც ამხელენ ადამიანთა უფლებების შელახვაში, ქონებას ჩამოართმევენ და საბანკო აქტივებს გაუყინავენ.
კანონპროექტი აფართოებს „არაკანონიერი ქცევის“ მნიშვნელობას. დეპუტატები გამოვიდნენ წინადადებით, რომ ტერმინში შედიოდეს პოლიტიკოსების მონაწილეობა წამებასა და სხვა ადამიანის უფლებების შემლახავ ფაქტებში.
კანონი ერთხმად მიიღეს პარლამენტში, შემდგომ ის ლორდთა პალატას გადაეგზავნება, რომელთა მხარდაჭერის შემთხვევაში აღნიშნული კანონი ძალაში შევა.
ფონდ Hermitage Capital-ის დამფუძნებლისა და კანონის ერთ-ერთი ინიციატორის, უილიამ ბრაუდერის თქმით, აღნიშნული კანონი „შიშს ჩაუნერგავს რუსეთისა და სხვა ავტოკრატიული ქვეყნების მაღალჩინოსნებს“. გარდა ამისა, ის ამბობს, რომ კანონის მიღების შემდეგ, ბრიტანეთი იქნება მესამე ქვეყანა აშშ-სა და ესტონეთის შემდეგ, რომელსაც ექნება უფლება, ის ადამიანები მისცეს პასუხისგებაში, ვისაც ადანაშაულებენ ადვოკატ სერგეი მაგნიტსკის სიკვდილში.
მაგნიტსკი Hermitage Capital-ში მუშაობდა. ბრაუდერი აღნიშნავს, რომ მაგნიტსკიმ თაღლითური სქემა აღმოაჩინა, რომლის წყალობით, რუსეთის შინაგან საქმეთა სამინისტროს თანამშრომლებმა ქვეყნის ბიუჯეტიდან 5,5 მილიონი რუბლი მოიპარეს.
მიუხედავად ამისა, რუსეთის სასამართლოს გადაწყვეტილებით, ბრაუდერსა და მაგნიტსკის წაუყენეს ბრალი. Hermitage Capital-ის მფლობელს დაუსწრებლად მიუსაჯეს 9 წლით თავისუფლების აღკვეთა გადასახადებისგან თავის არიდების ბრალდებით, ხოლო ამავე საქმეში დაპატიმრებული მაგნიტსკი სასამართლო სხდომამდე საკანში გარდაიცვალა.
შეგახსენებთ, რომ მაგნიტსკის საქმის გამო, ამერიკაში მიიღეს კანონი, რომელიც აძლევს უფლებას, გაყინოს იმ მაღალჩინოსანთა აქტივები, ვინც ადვოკატის სიკვდილში ფიგურირებენ, ასევე მათთვის უარის თქმა ამერიკის ვიზის გაცემაში.
ანა მებურიშვილი