უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
მსოფლიო
ბრიტანულ მედიაში ლონდონის ტერაქტის ორგანიზებაში ეჭვმიტანილი 21 წლის კაცის ფოტოები გავრცელდა
ბრიტანულ მედიაში ლონდონის მეტროსადგურ „პერსონს გრინში“ მომხდარი აფეთქების ორგანიზებაში ეჭვმიტანილის ფოტოები გავრცელდა. Sky News-ის ინფორმაციით, ის 21 წლის იაჰია ფარუქია, რომელიც პოლიციამ კვირას დააკავა.
მანამდე კი, შაბათს სამართალდამცველებმა საპორტო ქალაქ დუვრში 18 წლის კაცს მიაგნეს, რომელმაც, სავარაუდოდ, ასაფეთქებელი მოწყობილობა დაამონტაჟა მეტროს ვაგონში.
ორივე ეჭვმიტანილი ცხოვრობდა დიდ ბრიტანეთში ცნობილ ცოლ-ქმარ პენელოპა და რონალდ ჯონსებთან, რომლებმაც 40 წლის განმავლობაში 300 ბავშვი შეიფარეს და აღზარდეს, მათ შორის 8 ლტოლვილია.
2010 წელს ცოლ-ქმარმა მიიღო ბრიტანეთის იმპერიის საპატიო ორდენები
შეგახსენებთ, ლონდონის მეტროსადგურ „პერსონს გრინში“ აფეთქება 15 სექტემბერს მოხდა. ამოქმედდა თვითნაკეთი ბომბი, რომელიც პოლიეთილენის პარკში გახვეულ თეთრ სათლში იყო დამონტაჟებული, რომლის შედეგად 30 ადამიანი დაშავდა.
მომხდარმა ტერორისტული აქტის კვალიფიკაცია მიიღო, რომელზეც პასუხისმგებლობა ტერორისტულმა ორგანიზაციამ „ისლამურმა სახელმწიფომ“ აიღო.
წელს ბრიტანეთში ეს უკვე მეხუთე ტერორისტული აქტია. წინა თავდასხმების შედეგად 36 ადამიანი დაიღუპა. 2005 წელს 52 ადამიანი დაიღუპა ლონდონის მეტროს სამ მატარებელსა და ავტობუსში თვითმკვლელთა ბომბების ამოქმედების გამო.
ანა მებურიშვილი