მსოფლიო

ჩიკაგოში ამერიკის დამოუკიდებლობის დღის აღნიშვნის პერიოდში 101 ადამიანი დაცხრილეს, აქედან 15 დაიღუპა

101 ადამიანი ჩაცხრილეს ჩიკაგოში 4 ივლისის დღესასწაულის ფარგლებში მოწყობილ დასვენების დღეებზე. ინფორმაციას ადგილობრივ გაზეთზე დაყრდნობით ბიბისი ავრცელებს.

CBS Chicago-ის ინფორმაციით, 101 დაჭრილიდან 15 ადამიანი დაიღუპა.

ყველაზე ახალგაზრდა მსხვერპლი 13 წლის მოზარდი ბიჭია, ხოლო ყველაზე ასაკოვანი - 60 წლის მამაკაცია.

ბიბისი ჩიკაგო ტრიბუნზე დაყრდნობით წერს, რომ თითქმის ნახევარი შემთხვევა 4-დღიანი სადღესასწაულო პერიოდის 12 საათიან მონაკვეთზე მოხდა, ძირითადად ჩიკაგოს სამხრეთ და დასავლეთ ნაწილში.

აშშ-ის პრეზიდენტის, დონალდ ტრამპის განცხადებით, მან გაუგზავნა ადგილობრივ პოლიციას დასახმარებლად ფედერალური აგენტები, რათა ბანდიტური „ომი“ შეაჩეროს.

ბიბისის ინფორმაციით, შარშან ამერიკის დამოუკიდებლობის დღის სამდღიან სადღესასწაულო პერიოდში 66 ადამიანი დაცხრილეს.