მსოფლიო

ჩრდილოეთ და სამხრეთ კორეებს შორის მოლაპარაკებები, შესაძლოა, შეწყდეს

სამშობლოს მშვიდობიანი გაერთიანების ჩრდიკორეული კომიტეტის თავმჯდომარის, რი სონ გვონის განცხადებით, შესაძლოა, სამხრეთ კორეის „არაკომპეტენტური“ მთავრობის გამო სეულთან მოლაპარაკებები გაუქმდეს.

„სანამ სერიოზული სიტუაციაა, რომელმაც მიიყვანა სამხრეთ და ჩრდილოეთს შორის მაღალ დონეზე დიალოგის შეწყვეტამდე, აღარ იქნება ადვილი სამხრეთ კორეის რეჟიმთან პირისპირ ჯდომა“, - უთხრა რი სონ გვოინმა ჩრდილოეთ კორეის ახალი ამბების ცენტრალურ სააგენტოს.

მან დაამატა, რომ სამხრეთ და ჩრდილოეთ კორეების ურთიერთობების მომავალი დამოკიდებული იქნება სეულის მოქმედებებზე.

რი სონ გვონმა სეული ფარისევლობაში დაადანაშაულა. ჩრდილოკორეელი დიპლომატის განმარტებით, იმის მაგივრად, რომ სამხრეთკორეულ მხარეს გაეაზრებინა, რატომ გააუქმა ფხენიანმა 16 მაისისთვის დაგეგმილი შეხვედრა და შესაბამისი ნაბიჯები გადაედგა, სეულმა უბრალოდ მწუხარება გამოთქვა.

ცნობისთვის, ფხენიანმა კიმ ჩენ ინისა და სამხრეთ კორეის პრეზიდენტის, მუნ ჯე ინის შეხვედრა გააუქმა, რომელიც 16 მაისს უნდა შემდგარიყო. კითხვის ნიშნის ქვეშაა, შედგება თუ არა სინგაპურში 12 ივნისისთვის დაგეგმილი მოლაპარაკება კიმ ჩენ ინსა და მის ამერიკელ კოლეგას დონალდ ტრამპს შორის.

ჩრდილოეთ კორეის უკმაყოფილება გამოიწვია აშშ-ისა და სამხრეთ კორეის ერთობლივმა სამხედრო სწავლებამ სახელწოდებით „Max Thunder“, რომელიც 11 მაისს დაიწყო. ამის შემდეგ კიმ ჩენ ინმა ბოლო 2 წლის განმავლობაში პიურველად მოიწვია სამხედრო კომისია.