უკან

უახლესი ამბები

დღის კალენდარი

ანონსები

არქივი

პოლიტიკა

10 ივლისი, 2017 17:35
font-size

ჩვენი მიზანია გაიხსნას პოლიტიკური დიალოგის პირველი კარი ქართველ და რუს დეპუტატებს შორის - ირმა ინაშვილი

ჩვენი მიზანი არის გაიხსნას პოლიტიკური დიალოგის პირველი კარი ქართველ და რუს დეპუტატებს შორის. არ ვართ ბავშვები და ვიცით, რომ დიდი დარტყმები წამოვა, მაგრამ მოვერევით ამ დარტყმებს ჩვენი სამშობლოს გამო და ჩვენი ტერიტორიული მთლიანობის აღდგენის იმედით, - განაცხადა პატრიოტთა ალიანსის წევრმა, პარალმენტის ვიცე-სპიკერმა ირმა ინაშვილმა ტვ ,,პირველის’’ ეთერში, სადაც მოსკოვში თანაპარტიელების ვიზიტის მიზეზებზე ისაუბრა.

მისი ინფორმაციით, პარლამენტის ფრაქცია ,,საქართველოს პატრიოტების’’ წევრები, მოსკოვში რუსეთის დუმის დსთ-ს ევრაზიული ინტეგრაციის და თანამემამულეებთან კავშირების კომიტეტის თავმჯდომარეს, ლეონიდ კალაშნიკოვს შეხვდებიან.

როგორც ინაშვილმა აღნიშნა, მისი თანაპარტიელების რუსეთში ვიზიტი იქნება ორდღიანი და ისინი მოსკოვშივე გამართავენ პრესკონფერენციას ვიზიტის დეტალებთან დაკავშირებით.

რაც შეეხება მოსკოვში დეპუტატების ჩასვლის მიზანს, ინაშვილის თქმით, ეს არის საქართველოს ინტერესების სფეროს დადება მაგიდაზე.

პარლამენტის ვიცე-სპიკერმა საქართველოს ტერიტორიული მთლიანობის აღდგენის საქმეში რუსეთთან პოლიტიკური დიალოგის დაწყების აუცილებლობას გაუსვა ხაზი.

მისი თქმით, რუსეთს ელაპარაკება ამერიკის შეერთებული შტატები და მისი პრეზიდენტი და ელაპარაკება ნატო და ალიანსის გენერალური მდივანი.

,,და ჩვენ, ახლა რა გამოდის, რომ ქვეყნის ტერიტორიული მთლიანობა უნდა აღვადგინოთ და თან ვამბობთ, რომ არავითარი დიალოგი არ უნდა იყოს?

არ ყოფილა დიალოგი საქართველოს პარლამენტის წევრებსა და რუსეთის დუმის წევრებს შორის მას შემდეგ, რაც სააკაშვილი მოვიდა ხელისუფლებაში. დიახ, ეს არის ჩვენი კერძო ინიციატივა ამ ეტაპზე, ჩვენი პარტიის ინიციატივა და არა საქართველოს პარლამენტის თავმჯდომარის ინიციატივა. თუმცა, თუ საქართველოს პარლამენტის თავმჯდომარე მხარს დაუჭერს ამ ინიციატივას, რომ გაიხსნას ეს დიალოგი, დაიწყოს საუბარი უმნიშვნელოვანეს თემებზე, როგორ უნდა დავიბრუნოთ ცხინვალი და სოხუმი, ეს იქნება ძალიან დიდი წინგადადგმული ნაბიჯი ცხინვალის და სოხუმის დაბრუნების გზაზე. ცარიელი ლაპარაკის დრო უნდა დასრულდეს.

ჩვენი დელეგაცია ჩადის იმიტომ, რომ ვთქვათ: როგორ აღვადგინოთ ტერიტორიული მთლიანობა, როგორ შევაჩეროთ საზღვრის გადმოწევის პროცესი.

კარგია, რომ პარალელურად აქცია გაიმართება საზღვრის გადმოწევის ზოლთან. თუ საჭირო იქნება, მეც ჩავალ ამ აქციაზე, იმიტომ, რომ ყველა მხრიდან უნდა იყოს მოქმედებები, მაგრამ ხომ უნდა მოიხაზოს ინტერესთა სფერო, ხომ უნდა განისაზღვროს რაზე ვლაპარაკობთ და რა მოქმედებებია საჭირო.

სოხუმში თაობები გაიზარდა, საქართველო აღარ ახსოვთ. ჩვენ როგორ ვაპირებთ აღვადგინოთ ქვეყნის ტერიტორიული მთლიანობა, როცა სოხუმში მაცხოვრებელი ახალგაზრდების 100%-ს აღარ უნდა უკვე საქართველოში დაბრუნება.

ძალიან მცირეა იმ ადამიანების რიცხვი, ჩვენი ასაკის ხალხია, რომლებსაც ახსოვთ საქართველო’’, - განაცხადა ინაშვილმა.

რაც შეეხება იმას, თუ რა მოლოდინი აქვს პატრიოტთა ალიანსს რუსეთში გამართული შეხვედრებიდან, პარლამენტის ვიცე სპიკერის თქმით, არ ფიქრობს, ეს პირველი შეხვედრა გადაწყვეტს საქართველოს ტერიტორიული მთლიანობის ბედს.

,,ჩვენ არ ვართ პატარა ბავშვები. არ ვფიქრობთ, რომ ეს პირველი შეხვედრა გადაწყვეტს საქართველოს ტერიტორიული მთლიანობის ბედს. ძალიან რთული მოლაპარაკებებია წინ. ნურავინ ნუ იფიქრებს, რომ ეს არის ადვილი პროცესი და ძალიან უნდათ იმ რუსებს შენთან დაჯდომა და ლაპარაკი. ამიტომ, ჩვენი ინტერესების სფერო ეს არის: ცხინვალი, სოხუმი, დევნილების დაბრუნების საკითხი თუნდაც, ეს არის საზღვრის გადმოწევის პროცესის შეჩერება. ძალიან ბევრი თემაა, რასაც ჩვენ დავდებთ დღის წესრიგში და შემდეგ იქნება გადასარევი, თუ რუსული მხარე იტყვის, რომ ეს შეხვედრები უნდა გაგრძელდეს.

კალაშნიკოვთან იქნება შეხვედრა ჩვენი ფრაქციის წევრების. მე არ ვიცი, რა გამოდნება ამ შეხვედრიდან, არავინ არ იცის, რა გამოვა ბოლოს. კარგი იქნება, თუ დაფიქსირდება სულისკვეთება, რომ უნდა გაგრძელდეს დიალოგი’’, - აღნიშნა ინაშვილმა.

მისივე თქმით, დიალოგს რუსეთთან სინამდვილეში უნდა აწარმოებდეს საქართველოს მთავრობა.
,,სამწუხაროდ, საქართველოს მთავრობა არის სააკაშვილის, რესპუბლიკური პარტიის, კიდევ სხვა დანარჩენი რუსეთის ე.წ. მოწინააღმდეგეების და სინამდვილეში საქართველოს ინტერესების მოწინააღმდეგე პოლიტიკური ჯგუფების იდეოლოგის მძევალი. ჩვენ ამ კომპლექსისგან უნდა გავთავისუფლდეთ, თუ გვინდა აღვადგინოთ ჩვენი ქვეყნის ტერიტორიული მთლიანობა’’, - განაცხადა ინაშვილმა.

მისივე თქმით, არასდროს არ აღიარებს, რომ სოხუმი და ცხინვალი დაკარგულია.

,,როგორ გვინდა აღვადგინოთ ჩვენი ტერიტიორიული მთლიანობა, თუ დავუშვებთ იმას, რომ აქედან არაფერი არ გამოვა, რომ ის არის ოკუპანტი, რომ დაკარგული გვაქვს. თუ დაკარგული გვაქვს, მაშინ გავჩერდეთ და ვაღიაროთ, რომ არ არის ჩვენი სოხუმი და ცხინვალი. მე არ ვაღიარებ ამას. არასდროს არ ვაღიარებ იმას, რომ სოხუმი და ცხინვალი ჩვენი არ იქნება ოდესმე.

ყველა ის ადამიანი, ვინც იტყვის რომ არ უნდა წავიდეთ, არ უნდა ვილაპარაკოთ, ის არის ანტისახელმწიფოებრივად მოაზროვნე და ის არის ანტიეროვნულად მოაზროვნე.

უნდა დამთავრდეს სააკაშვილის იდეოლოგიის წნეხის ქვეშ ცხოვრება. სააკაშვილი სამხედრო დამნაშავეა და უნდა გასამართლდეს იმ ქმედებებისთვის, რაც 2008 წელს ჩაიდინა’’, - განაცხადა ირმა ინაშვილმა.

ნინო ექვთიმიშვილი

ქვეყანას ეროვნული ხელისუფლება სჭირდება და მხოლოდ ამის შემდეგ დადგება ყველაფერი თავის ადგილზე - ნინო ბურჯანაძე

19 ივნისი, 2019 , 19:13

ქვეყანას ეროვნული ხელისუფლება სჭირდება და მხოლოდ ამის შემდეგ დადგება ყველაფერი თავის ადგილზე, - ამის შესახებ „ერთიანი საქართველო-დემოკრატიული მოძრაობის“ ლიდერმა ნინო ბურჯანაძემ განაცხადა. „ერთიანი საქარ

საქართველოში ხდება დასავლეთის ფასეულობების დისკრედიტაცია - “თავისუფალი საქართველო“

19 ივნისი, 2019 , 17:53

პარტია „თავისუფალი საქართველო“ ეხმაურება ბოლო პერიოდში „თბილისი პრაიდის“ ირგვლივ განვითარებულ მოვლენებს. პარტიის განცხადებაში აღნიშნულია, რომ ლიბერალური ძალები დასავლური ფასეულობების დისკრედიტაცია

თბილისში საქართველო-ევროკავშირის ასოცირების კომიტეტის მეხუთე სხდომა გაიმართა

19 ივნისი, 2019 , 14:00

თბილისში საქართველო-ევროკავშირის ასოცირების კომიტეტის მეხუთე სხდომა გაიმართა. რომელშიც მონაწილეობა მიიღეს საქართველოსა და ევროკავშირის ოფიციალური სტრუქტურების უფროსი რანგის წარმომადგენლებმა. დადგენილი წესის მიხედვით, მიმ

საყოველთაო ჯანდაცვის სისტემამ საქართველოში სრულიად განსხვავებული სტანდარტი დაამკვიდრა - მამუკა ბახტაძე

18 ივნისი, 2019 , 15:40

საყოველთაო ჯანდაცვის სისტემამ საქართველოში სრულიად განსხვავებული სტანდარტი დაამკვიდრა“, - ამის შესახებ საქართველოს პრემიერ-მინისტრმა მამუკა ბახტაძემ დღეს, ჯანდაცვის ახალი მინისტრის წარდგენისას განაცხადა. მთავრობის

მე ვთხოვე პრემიერს, განგვეხილა ასეთი ცვლილებები, რათა უკეთესი შედეგი მიგვეღო - დავით სერგეენკო

18 ივნისი, 2019 , 15:40

საქართველოს ჯანდაცვის ყოფილი მინისტრის, დავით სერგეენკოს განცხადებით, თანამდებობიდან წასვლა მისი ინიციატივით მოხდა. როგორც დავით სერგეენკომ მთავრობის ადმინისტრაციაში გამართულ ბრიფინგზე განაცხადა, მინისტრის თანამდებობაზე

დავით სერგეენკო პრემიერ-მინისტრის მრჩევლად ინიშნება

18 ივნისი, 2019 , 14:22

დავით სერგეენკო პრემიერ-მინისტრის მრჩევლად დაინიშნება, – ამის შესახებ პრემიერ-მინისტრმა, მამუკა ბახტაძემ ბრიფინგზე განაცხადა, სადაც ჯანდაცვის ახალი მინისტრი წარადგინა. „როგორც შეგპირდით, ქართული მედია ხართ პი