უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
პოლიტიკა
ჩვენს პარტნიორობაში ვერავინ ვერ ჩაერევა - აპატურაი „პატრიოტთა ალიანსის“ ინიციატივაზე
ნატოს გენერალური მდივნის სპეციალური წარმომადგენელი ჯეიმს აპატურაი გამოეხმაურა „პატრიოტთა ალიანსის“ ინიციატივას, რომელიც პარტიამ რუსეთის დუმის დეპუტატებთან მოსკოვში ვიზიტის დროს გაახმოვანა. წინადადების თანახმად, უნდა შეიქმნას საქართველო-რუსეთი-ნატოს ერთობლივი ფორმატი.
როგორც აპატურაიმ საზოგადოებრივ მაუწყებელს განუცხადა, მისთვის გაუგებარია აღნიშნული ფორმატის შექმნის მიზანი. აპატურაის თქმით, მესამე მხარე ვერ ჩაერევა საქართველოსა და ნატოს ურთიერთობებში და თვითონ ქართული მხარის გადასაწყვეტია მისი მომავალი ჩრდილოატლანტიკურ ალიანსში.
„სიმართლე გითხრათ. კარგად ვერ ვხდები, რა მიზანს უნდა ემსახურებოდეს ეს ფორმატი. ჩვენ საქართველოსთან ძალიან ძლიერი თანამშრომლობა გვაქვს. ამავე დროს გვაქვს მცდელობა, რომ რუსეთთან გვქონდეს კონსტრუქციული დიალოგი. ეს ხდება ნატო-რუსეთის საბჭოს ფორმატში. თუ ეს არის იდეა, რომ რუსეთმა და ნატომ რაიმე ფორმით ვიმსჯელოთ საქართველოს მოავალზე, მაშინ ეს შეუძლებელია, არ დგას დღის წესრიგში, ვინაიდან ნატო არ აპირებს საქართველოს მომავალზე არავისთან აწარმოოს მოლაპარაკებები, არც რუსეთთან და არც სხვა მესამე მხარესთან. საქართველოსა და ნატოს გადასაწყვეტია თქვენი მომავალი ამ ორგანიზაციაში, ჩვენს პარტნიორობაში ვერავინ ჩაერევა“, - განუცხადა აპატურაიმ საზოგადოებრივს.
რაც შეეხება ბოლო დროს გააქტიურებულ მცოცავ ოკუპაციას, აპატურაიმ განაცხადა, რომ ნატო აკვირდება სიტუაციას და განაგრძობს ზეწოლას რუსეთზე.
„ამ დილით დამატებითი ინფორმაცია მივიღე სამეკავშირეო ოფისიდან, ადგილზე არსებული ვითარების შესახებ. რაც ხდება, ესაა მიუღებელი, ადამიანებს ექმნებათ პრობლემები, არ აქვთ წვდომა სასოფლო-სამეურნო მიწებზე, ირღვევა მათი უფლებები. ნატოს არაერთხელ უთქვამს და იტყვის ამჯერადაც, რომ ორგანიზაცია აღიარებს საქართველოს ტერიტორიულ მთლიანობას საერთაშორისოდ აღიარებულ საზღვრებში. უსაფრთხოების კუთხით არსებული ვითარების გამო შეშფოთებული ვართ, განვაგრძობთ ყურადღებით სიტუაციის მონიტორინგსა და ზეწოლას რუსეთზე“, - თქვა ნატოს გენერალური მდივნის სპეციალურმა წარმოამდგენელმა.