უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
მსოფლიო
ეს პროცესი არ არის, ეს კომედიაა - აფგან მუხთარლის პროცესი უშედეგოდ დასრულდა
თბილისიდან გაუჩინარებული აზერბაიჯანელი ჟურნალისტის, აფგან მუხთარლის სასამართლო პროპცესი, დღეს უშედეგოდ დასრულდა.
როგორც მუხთარლის აზერბაიჯანელმა ადვოკატმა ნიმათ კარიმლიმ თქვა, მოსამართლემ მის მიერ დაყენებული ცხრა შუადგომლობიდან მხოლოდ ერთი გაითვალისწინა, რომელიც ეხებოდა იმას, რომ მუხთრალი სასამართლო პროცესზე ადვოკატის გვერდზე მჯდარიყო.
„აფგან მუხთარლი იძიებდა მმართველი პარტიის კორუფციულ სქემებს და აქვეყნებდა მათ. ვფიქრობთ, რომ მისი დაკავების მთავარი მიზეზი სწორედ ეს არის. დღეს რამდენიმე შუამდგომლობა დავაყენეთ, მათ შორის იმაზე, რომ შეწყდეს სისხლის სამართლის საქმე მტკიცებულებების არარსებობის გამო.
საქართველოს პრეზიდენტის 11 სექტემბერს გაკეთებული განცხადება, ასევე ევროპარლამენტის დეპუტატების მიერ მიღებული რეზოლუცია მოწმობს იმას, რომ აფგან მუხთარლი იყო გატაცებული საქართველოდან.
ჩვენ ვთვლით, რომ ჩვენი ეს მტკიცებულებები საკმარისზე მეტია, თუმცა სასამართლომ ისინი მხედველობაში არ მიიღო. კიდევ ერთი შუამდგლომლობა, რომელიც დავაყენეთ ეხებოდა მუხთარლის გათავისუფლებას პატიმრობიდან, რადგან ამის საჭიროება აღარ არსებობს. თუმცა სასამართლომ ეს შუამდგომლობაც არ დააკმაყოფილა“,-განმარტა ადვოკატმა.
თავად აფგან მუხთარლი სასამართლო დარბაზიდან გამოსვლისას მედიასთან აღნიშნა, რომ „ეს პროცესი არ არის, ეს კომედიაა“.
მონიკა დავლიანიძე