უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ესაა იმ პოლიტიკის გაგრძელება, რომელსაც რუსეთი საქართველოსთან მიმართებაში აგრესიულად ახორციელებს - მიხეილ ჯანელიძე
საქართველოს საგარეო საქმეთა მინისტრმა მიხეილ ჯანელიძემ აფხაზეთში პუტინის შესაძლო ვიზიტის კომენტირებისას განაცხადა, რომ ესაა რუსეთის ოკუპაციური პოლიტიკის გაგრძელება.
,,ეს არის იმ პოლიტიკის გაგრძელება, რომელსაც რუსეთი საქართველოსთან მიმართებაში აგრესიულად ახორციელებს. ჩვენ ამას ვაფასებთ, როგორც ყველა საერთაშორისო სამართლის ნორმის შელახვად და ასევე ძალისმიერი მეთოდებით დაკანონების მცდელობად. შესაბამისად, ჩვენ საერთაშორისო პარტნიორების მეშვეობით, გავაგრძელებთ კონსტრუქციულ მშვიდობაზე ორიენტირებულ ყველა ნაბიჯის გადადგმას, რათა ჩვენი ტერიტორიების დეოკუპაცია მოხდეს, რათა მოხდეს შერიგება და ტერიტორიული მთლიანობის აღდგენა“,- თქვა ჯანელიძემ.
ჯანელიძემ აღნიშნა, რომ მნიშვნელოვანია, რომ ოკუპირებულ ტერიტორიებზე მცხოვრებმა მოსახლეობამ ისარგებლოს ყველა იმ სიკეთით, რაც საქართველოს დარჩენილმა ნაწილმა მიაღწია.
„ჩვენთვის ძალიან მნიშვნელოვანია, რომ ის ვითარება, რომელიც საქართველოს კონტროლირებად ტერიტორიაზეა, ის პოზიტიური მოვლენები, ინტეგრაციული პროცესები, რომელიც ემსახურება თითოეული მოქალაქის კეთილდღეობას და მათ განვითარებას, იყოს ასევე იმ ადამიანებისთვის, რომლებიც დღეს ოკუპირებულ ტერიტორიებზე ცხოვრობენ და აუცილებლად ისინიც ერთ დღეს ისარგებლებენ ყველა ამ სიკეთით, რომელიც თან ახლავს საქართველოს განვითარებას“, - განაცხადა საგარეო საქმეთა მინისტრმა.
შეგახსენებთ, РБК-ის ინფორმაციით, რუსეთის პრეზიდენტი ვლადიმერ პუტინი ოკუპირებულ აფხაზეთს 8 აგვისტოს - რუსეთ-საქართველოს ომის მე-9 წლისთავზე ეწვევა.
ანა მებურიშვილი