სამართალი

ეს იგივეა, რომ ან ჯანდაცვის მინისტრმა ან ქალაქის მერმა გადააყენოს მოსამართლე - მამუკა ახვლედიანი

საქალაქო სასამართლოს ყოფილი თავმჯდომარე მამუკა ახვლედიანი ომბუდსმენის იმ დასკვნას გამოეხმაურა, რომელშიც ნათქვამია, რომ იუსტიციის უმაღლესმა საბჭომ საქალაქო სასამართლოს თავმჯდომარეობიდან მამუკა ახვლედიანის გათავისუფლების გადაწყვეტილება კანონდარღვევით მიიღო.

,, თუკი ადამიანი ობიექტურად შეხედავდა ამ საკითხებს, უბრალოდ ამ კანონმდებლობით ამ ფორმით შეუძლებელი იყო სასამართლოს თავმჯდომარის და მოსამართლის გათავისუფლება, იმიტომ, რომ მსგავსს კანონმდებლობა საერთოდ არ იცნობს. ეს იგივეა, რომ ან ჯანდაცვის მინისტრმა ან ქალაქის მერმა გადააყენოს მოსამართლე. არანაირი უფლებამოსილება და არანაირი უფლება იუსტიციის უმაღლეს საბჭოს ამ ფორმით სასამართლოს თავმჯდომარის გადაყენების არ ჰქონდა. ეს შეიძლება განხილული ყოფილიყო, გადასცემოდა სადისციპლინო კოლეგიას და უამრავი სხვა პროცედურა უნდა გავლილიყო’’, - აცხადებს ახვლედიანი.

ნინო ექვთიმიშვილი