უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
მსოფლიო
ესტონეთის, ჩინეთის, საუდის არაბეთის და კანადის გამოცემები საქართველოს საიუბილეო თარიღის შესახებ ინფორმაციას ავრეცელებენ
ესტონეთის, ჩინეთის და კანადის ცნობილმა გამოცემებმა, საქართველოს პირველი რესპუბლიკის 100 წლისთავის ფარგლებში საქართველოს შესახებ პუბლიკაციები გამოაქვეყნეს. მათში საუბარია საქართველოს დამოუკიდებლობის ისტორიაზე, თანამედროვეობაზე და საქართველოს მიერ მიღწეულ პროგრესზე.
ესტონეთის დიპლომატიურ გამოცემაში „Suursaadik“ გამოქვეყნდა საქართველოს ელჩის, თეა ახვლედიანის ვრცელი ინტერვიუ, სადაც საქართველოს ელჩი საქართველოს დამოუკიდებლობის 100 წლიან გზაზე და ქართველი ხალხის ევროპულ არჩევანზე საუბრობს. თეა ახვლედიანი პუბლიკაციაში ყურადღებას ამახვილებს საქართველოს თანამედროვეობაზე, მისი განვითარების დინამიკასა და მიღწეულ პროგრესზე. ელჩმა ასევე ისაუბრა საქართველო-ესტონეთის გამორჩეულად მეგობრული ურთიერთობების შესახებ და ხაზი გაუსვა საქართველოს სუვერენიტეტისა და ტერიტორიული დამოუკიდებლობისადმი ესტონეთის მხარდაჭერის მნიშველობას.
ჩინურმა ჟურნალმა "ჩაინა დეილი"-მ ასევე გამოაქვეყნა საქართველოს ელჩის, დავით აფციაურის ინტერვიუ სათაურით -„საქართველო „სარტყელისა და გზის“ ფარგლებში ჰაბის სტატუსის დამკვიდრებას სცდილობს“. ინტერვიუში ელჩმა იმედი გამოთქვა, რომ საქართველო უახლოეს მომავალში ევროპისა და აზიის დამაკავშირებელი ლოჯისტიკური ჰაბი გახდება. მან ასევე ისაუბრა ქვეყნის სტრატეგიული მდებარეობის და სავაჭრო რესურსების შესახებ. დავით აფციაურმა ყურადღება გაამახვილა საქართველო-ჩინეთის ურთიერთობების დინამიურობაზე. „ქვეყნის სტრატეგიული მდებარეობა, ორი კონტინენტის გასაყარზე, მეტად ზრდის საქართველოს , როგორც აღმოსავლეთისა და დასავლეთის ბაზრების შემაკავშირებელი ხიდის როლს - აღნიშნა საქართველოს ელჩმა, დავით აფციაურმა.
კანადურ ჟურნალში „Ottawa Life Magazine” ასევე გამოქვეყნდა სტატია სათაურით- „მაღალი დონის დიპლომატმა გამოცდილება და ხედვა ჩამოიტანა - მისი გავლენა ოტავაში იგრძნობა“, რომელიც კანადაში საქართველოს ელჩს, კონსტანტინე ქავთარაძეს მიეძღვნა. სტატიაში ავტორი აღწერს საქართველოს ისტორიულ წარსულს, საუბრობს საქართველოს პირველ რესპუბლიკაზე, ოკუპირებულ ტერიტორიებზე არსებულ ვითარებაზე, საქართველოს ევროატლანტიკურ მისწრაფებებზე და კანადასა და საქართველოს შორის ურთიერთობების პერსპექტივებზე.
საქართველოს პირველი დემოკრატიული რესპუბლიკის 100 წლისთავთან დაკავშირებით, საუდის არაბეთის გაზეთ Albilad"-ში გამოქვეყნდა საქართველოს ელჩის გიორგი ჯანჯღავას სტატია, სათაურით-"Georgia celebrates the 100th anniversary of Georgia’s First Democratic Republic". სტატიაში ელჩი აღნიშნავს, რომ საქართველოს პირველი დემოკრატიული რესპუბლიკა ეფუძნებოდა დემოკრატიულ ფასეულობებსა და კანონის უზენაესობის პრინციპს.
გიორგი ჯანჯღავა სტატიაში ხაზს უსვამს საქართველოსა და საუდის არაბეთს შორის არსებულ მჭიდრო ურთიერთობებს ისეთ სფეროებში, როგორიცაა ვაჭრობა, ტურიზმი და სამხედრო თანამშრომლობა. ელჩი აღნიშნავს, რომ საქართველო-საუდის არაბეთს შორის ნაყოფიერი თანამშრომლობის ნათელი დადასტურებაა საუდის არაბეთის საგარეო უწყების მიერ მიღებული გადაწყვეტილება საქართველოში საუდის არაბეთის საელჩოს გახსნის შესახებ.
აღსანიშნავია, რომ საქართველოს ისტორიული წარსულის, საქართველოს იმიჯისა და ცნობადობის ამაღლების მიზნით საქართველოს პირველი დემოკრატიული რესპუბლიკის 100 წლის იუბილეს ფარგლებში დაგეგმილია მსოფლიოს სხვადასხვა ქვეყანაში საქართველოს შესახებ 100 - ზე მეტი საგაზეთო სტატის გამოქვეყნება.