საზოგადოება

ე.წ. „ციანიდის საქმეზე“ საპატრიარქო სპეციალურ კომისიას შექმნის - რაზე ისაუბრეს წმინდა სინოდის დახურულ სხდომაზე

წმინდა სინოდის დახურული სხდომის დეტალები გახდა ცნობილი. „რუსთავი 2“-ის „კურიერის“ ექსკლუზიური ინფორმაციით, საპატრიარქოში გამართულ შეხვედრაზე 2 საკითხი განიხილეს.

ერთ-ერთი მათგანი ეხება ე.წ. „ციანიდის საქმეს“. სხდომაზე გადაწყდა, რომ შეიქმნება საპატრიარქოს სპეციალური კომისია, რომელიც შეისწავლის როგორც „ციანიდის საქმეს“, ასევე მამა გიორგი მამალაძის საეკლესიო მოღვაწეობას. ეს პროცესი წარიმართება საეკლესიო წესების მიხედვით და არ მიიღებს ალტერნატიული გამოძიების სახეს.

ეს იყო პირველი სხდომა ე.წ. „ციანიდის საქმის“ დასრულების შემდეგ.

მეორე განსახილველი თემა ბორჯომისა და ბაკურიანის ყოფილი მიტროპოლიტის, მეუფე სერაფიმე ჯოჯუას დაბრუნება აღმოჩნდა. სინოდის გადაწყვეტილებით, მას ეპარქიაში დააბრუნებენ, თუმცა არა მღვდელმთავრის სტატუსით, არამედ ერთ-ერთ მონასტერში.

შეგახსენებთ, სერაფიმე ჯოჯუა 2016 წლის აპრილიდან აღარ არის ბორჯომისა და ბაკურიანის პიტროპოლიტი. ის თანამდებობიდან ილია მეორესადმი გაგზავნილი პირადი თხოვნის საფუძველზე გაათავისუფლეს. შემდგომ ის გერმანიისა და ავსტრიის ეპარქიის მმართველად დანიშნეს, თუმცა ეს საკადრო ცვლილება გააპროტესტეს იქ მოღვაწე მართლმადიდებელმა სასულიერო პირებმა. მათ წერილი გამოაქვეყნეს, სადაც განაცხადეს, რომ მათთვის მიუღებელია ბორჯომისა და ბაკურიანის ყოფილი მიტროპოლიტის დანიშვნა, რადგან მან ბორჯომი „მრევლის მხრიდან უმძიმესი ბრალდებების გამო“ დატოვა. მათ გააფრთხილეს საპატრიარქო, რომ მეუფე სერაფიმეს დამოურჩილებლონას გამოუცხადებდნენ. წერილის საპასუხოდ სერაფიმე ჯოჯუამ უარი თქვა გერმანიისა და ავსტრიის ეპარქიის ხელმძღვანელობაზე. მან განმარტა, რომ მარტო ყოფნა და ლოცვა სურს.

წმინდა სინოდის დახურულ სხდომაზე მონაწილე მეუფეებმა საპატრიარქო უკომენტაროდ დატოვეს, მხოლოდ ჭყონდიდელმა მიტროპოლიტმა, მეუფე პეტრე ცაავამ განაცხადა, რომ დღევანდელი წმინდა სინოდის სხდომა წინ გადადგმული, პოზიტიური ნაბიჯი აღმოჩნდა საქართველოს ეკლესიითვის. მეუფის თქმით, მასზეც ისაუბრეს, თუმცა რამე გაფრთხილება არ მიუღია.

ანა მებურიშვილი