უკან
უახლესი ამბები
არქივი
პოლიტიკა
4 მაისი, 2017 16:20
ევროსაბჭოს მინისტრთა მოადგილეების კომიტეტის შეფასებით, აფხაზეთსა და სამხრეთ ოსეთში კონფლიქტი მიმდინარეობს რუსეთსა და საქართველოს შორის
საქართველოს საგარეო საქმეთა სამინისტროს ინფორმაციით, გუშინ სტრასბურგში ევროპის საბჭოს მინისტრთა მოადგილეების კომიტეტის 1285-ე სხდომაზე, „ევროპის საბჭო და კონფლიქტი საქართველოში“ საკითხის ფარგლებში ევროპის საბჭოს წევრმა ქვეყნებმა აღიარეს, რომ რუსეთი უკანონო ქმედებებს ახორციელებს საქართველოს ოკუპირებულ ტერიტორიებზე, რის გამოც ამ რეგიონებში საქართველო თავის ლეგიტიმურ იურისდიქციას ვერ ახორციელებს.
გარდა ამისა, განისაზღვრა, რომ კონფლიქტი არის რუსეთის ფედერაციასა და საქართველოს შორის.
ყურადღება გაამახვილეს იმაზე, რომ რუსეთი ოკუპირებული ტერიტორიების საკითხის მოგვარებას ხელს უშლის, ასევე აფხაზეთსა და სამხრეთ ოსეთში ადამიანთა უფლებების დარღვევის ფაქტებზე.
ანა მებურიშვილი