უახლესი ამბები
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
სამართალი
გენგემის მიხედვით, უფლებრივი ზონირების ნაწილში სარეკრეაციო ზონები, ლანდშაფტური სარეკრეაციო ზონები საცხოვრებელი ზონებით არის შეცვლილი - ლილე ლიპარტელიანი
თბილისის საკრებულოს ფრაქცია „ნაციონალური მოძრაობის” წევრის, ლილე ლიპარტელიანის განცხადებით, თბილისის განვითარების გენერალურ გეგმის უფლებრივი ზონირების ნაწილში სარეკრეაციო და ლანდშაფტური სარეკრეაციო ზონები, საცხოვრებელი ზონებით არის შეცვლილი, რასაც ოპოზიცია არ იზიარებს.
როგორც ლიპარტელიანმა განაცხადა, პრობლემის მოსაგვარებლად თბილისის მერია არაფერს აკეთებს.
მისივე თქმით, დიღმის ტყე-პარკის ტერიტორიაზე, შესაძლოა, სასტუმრო აშენდეს.
„წარმოდგენილი გენერალური გეგმის კონცეფციას აბსოლუტურად ვეთანხმებით, თუმცა ეს კონცეფცია არის, 1:10 000-ის მასშტაბით და შესაბამისად, გენერალური გეგმის ჯგუფი ამ წარმოდგენილ გენგეგმას ვერ ასახავს რუკაზე. სამი წელია მიმდინარეობს მუშაობა გენერალურ გეგმაზე და მერიას ამ დროის განმავლობაში არც ინვენტარიზაცია, არც თემატური რუკები, არც ტაქტიკური რუკები არ აქვს გაკეთებული. შესაბამისად, არსებობს ის პრობლემა, რომ უფლებრივი ზონირების ნაწილში სარეკრეაციო ზონები, ლანდშაფტური სარეკრეაციო ზონები, საცხოვრებელი ზონებით არის შეცვლილი და ამ წუთამდეც განხილვა ისე მიმდინარეობს, რომ მერია აბსოლუტურად არაფერს აკეთებს ამ პრობლემის აღმოსაფხვრელად, თუ რა თქმა უნდა, შეგნებულად არ არის გაკეთებული.
მაგალითისთვის მოვიყვან დიღმის ტყე-პარს, რომელსაც გარემოს დაცვის სპეციალური ზონის სტატუსი ედო აქამდე და ამ წუთას სარეკრეაციო ზონა 2 ადევს, რაც გულისხმობს იმას, რომ სპეციალური ზონალური შეთანხმების საფუძველზე, იქ, შესაძლოა, სასტუმრო აშენდეს. ეს, რა თქმა უნდა, არც ერთ თბილისელს არ მოეწონება“, – განაცხადა ლიპარტელიანმა.