სამართალი

გვიწევს ყველაფრის თავიდან ჩატარება, იმ გარემოებების აღდგენა, რა გარემოებებშიც მოხდა ყოფილი პრემიერ-მინისტრის გარდაცვალება - ირაკლი შოთაძე

მარტივი არ არის ასეთი ძველი დანაშაულის გამოძიება, მით უმეტეს, როცა ათწლეულის განმავლობაში ამ სისხლის სამართლის საქმეზე რეალურად გამოძიება არ ჩატარებულა, - განაცხადა მთავარმა პროკურორმა, ირაკლი შოთაძემ ზურაბ ჟვანიას საქმის მიმდინარეობის კომენტირებისას.

„ჩვენ გვიწევს ყველაფრის თავიდან ჩატარება, იმ გარემოებების აღდგენა, რა გარემოებებშიც მოხდა ყოფილი პრემიერ-მინისტრის გარდაცვალება. შესაბამისად, ეს არის საკმაოდ რთული და სპეციფიური გამოძიება და ამიტომ, ამით არის გამოწვეული ის დროის ხანგრძლივობა, რასაც საჭიროებს გამოძიება. ყოველდღიურ, ინტენსიურ რეჟიმში მიმდინარეობს შესაბამისი საგამოძიებო მოქმედებები, თუმცა უფრო დეტალებზე ვერ ვისაუბრებ გამოძიების ინტერესებიდან გამომდინარე“, - განაცხადა ირაკლი შოთაძემ.

ნინო ექვთიმიშვილი