საზოგადოება

ის რომ ქირურგს ლიცენზია შეჩერებული ქონდა, კლინიკაში კომისიის შემოსვლის შემდეგ გავიგე - ნინო კუზანოვა

კლინიკა „ლანცეტის“ ყოფილი მთავარი ექიმის ნინო კუზანოვას განცხადბეით, მისთვის არ იყო ცნობილი, რომ ექიმს რომელმაც 2016 წლის მარტში, ღვიძლის გადანერგვის ოპერაცია ჩაატარა, ლიცენზია შეჩერებული ქონდა.

როგორც კუზანოვამ „იმედის დილაში“ აღნიშნა, ამის შესახებ მან მას შემდეგ შეიტყო, რაც კლინიკაში ჯანდაცვის სამინისტროდან კომისია შევიდა.

კუზანოვამ გაიხსენა, რომ ინფორმაციის მიღების შემდეგ, გენერალურ დირექტორს ფარმან ჯეირანლის კაბინეტში შეუვარდა და მათ შორის ღია დაპირისპირება მოხდა.

მისივე თქმით, მას გარდაცვლილ პაციენტებთან ოპერაციამდე ხშირი ურთიერთობა არ ქონია. მათ მხოლოდ ორჯერ შეხვდა, როდესაც ქირურგებმა მასთან რუტინული გამოკვლევისთვის გააგზავნეს.

„მე მათთან ყოველდღიური ურთიერთობა არ მქონია. ჩემთან ეს პაციენტები იყვნენ ერთ-ერთ რუტინულ გამოკვლევაზე. ქირურგებმა გამოაგზავნეს, რომ მე მათ კარდიოლოგიურად შემეფასებინა ეს პაციენტები და დამედო კარდიოლოგიური დასკვნა. ეს პაციენტები ჩვენთან კლინიკაში ცხოვრობდნენ და ყოველდღიურად ისინი მე დერეფანში მხვდებოდნენ, ან სასადილოში. მე მათთან ურთიერთობა მქონდა ორჯერ, ერთხელ როდესაც შემოვიდნენ გამოკვლევაზე, და მეორედ, როდესაც დასკვნა გავატანე.

მათი მხრიდან შეკითხვა, რომ ქონდათ თუ არა ლიცენზია აღნიშნულ ექიმებს არ დასმულა. ეს არის აბსოლუტური სიცრუე. ვერ ვხდებოდი რომ ადგილი ჰქონდა დანაშაულს, იმიტომ რომ ინფორმაციას არ ვფლობდი. მე დისტანცირებული ვიყავი მსგავსი თემებისგან ბატონი ფარმანის მკაცრი მოთხოვნით. მე არ ვიცოდი რომ მას იმ პერიოდში ლიცენზიის ვადა გასული ქონდა, არ ვიცოდი. ის რომ ლიცენზია ქონდა შეჩერებული მაშინ გავიგე, როდესაც კლინიკაში კომისია შემოვიდა. მაშინ მე შევვარდი ფარმანთან , ჩვენ შორის ღია და სასტიკი დაპირისპირება მოხდა, არა დახურულ კარს მიღმა, არამედ ღიად, ეს ყველაფერი ხდებოდა ძალიან ბევრი ადამიანის თავლწინ, მათ შორის ჯანდაცვის კომისიის წევრის წინაშე“,-აღნიშნა კუზანოვამ.

მონიკა დავლიანიძე