მსოფლიო

ისრაელმა სირიაში განთავსებული ირანელი სამხედროების წინააღმდეგ სარაკეტო დაბომბვა განახორციელა

ისრაელმა სირიის დედაქალაქში განთავსებული ირანელი სამხედროების წინააღმდეგ მასშტაბური სარაკეტო დაბომბვა განახორციელა.

სააგენტო Reuters-ის ინფორმაციაზე დაყრდნობით პირველი არხი იტყობინება, რომ სხვადასხვა მიმართულებიდან მართვადი რაკეტებით დაბომბვა თითქმის ერთი საათის განმავლობაში გრძელდებოდა. არსებული ინფორმაციით, სირიის სამთავრობო არმიის საჰაერო თავდაცვის სისტემამ რაკეტების ნაწილის განეიტრალება შეძლო.

ისრაელის თავდაცვის ძალების ინფორმაციით, დაბომბვების სამიზნე ირანული ალ-ქუდსის ძალები გახდა, რომელიც ირანის რევოლუციის გუშაგთა კორპუსის დანაყოფია.

„ვაფრთხილებთ სირიის შეიარაღებულ ძალებს, არ სცადოთ ისრაელის სამხედროების ან ტერიტორიისთვის ზიანის მიყენება“, – ნათქვამია ისრაელის თავდაცვის ძალების განცხადებაში.

ისრაელის სამხედრო ავიაციამ ირანულ სამხედრო ინფრასტრუქტურაზე იერიში 20 იანვარსაც მიიტანა, რის შემდეგაც სირიიდან ისრაელის მიმართულებით მიწა-მიწა ტიპის რაკეტა გაუშვეს. რაკეტა ისრაელის თავდაცვის სისტემამ გაანეიტრალა.