სამართალი

კახა კალაძეს გიორგი პაპუაშვილის სიტყვების სიმართლეში ეჭვი ეპარება

საქართველოს ვიცე-პრემიერ, პარტია „ქართული ოცნების“ გენერალური მდივნის კახა კალაძის განცხადებით, მას გიორგი პაპუაშვილის სიტყვების სიმართლეში ეჭვი ეპარება.

ამის შესახებ კალაძემ ჟურნალისტებთან საუბარში საკონსტიტუციო სასამართლოს თავმჯდომარის მიერ გუშინ გაკეთებული განცხადების კომენტირებისას აღნიშნა, რომლის მიხედვით, ბოლო პერიოდის განმავლობაში მიმდინარეობს მიზანმიმართული ზეწოლა ცალკეულ მოსამართლეებზე, რაც გამოიხატება მათ ფარულ თვალთვალში, მათი ოჯახის წევრების და ნათესავების კომერციული საქმიანობის მიზანმიმართულ შევიწროებაში, დაშანტაჟებაში.

„ეჭვი მეპარება სიმართლეში. პრემიერმა გააკეთა განცხადება, რომ ის სატელეფონოდ ესაუბრა ბატონ პაპუაშვილს. თუ მას რაიმე გააჩნია მტკიცებულებები, იმასთან დაკავშირებით, რომ ვიღაცა რაღაცა ფორმით აშანტაჟებს მოსამართლეებს და არის ზეწოლა, რა თქმა უნდა, უნდა მიმართოს მთავარ პროკურატურას და მთავარმა პროკურატურამ თუ არასებოსბ რაიმე ნიშნები ამისა,აუცილებლად, დაიწყოს გამოძიება და შესაბამისად, ყველა დამნაშავე იქნება დასჯილი“,-განაცხადა კალაძემ.