მსოფლიო

კანადაში თამაშზე მიმავალი ჰოკეის გუნდის ავტობუსს სატვირთო დაეჯახა - დაიღუპა 14 ადამიანი

კანადაში ავტობუსისა და სატვირთო მანქანის შეჯახების შედეგად 14 ადამიანი დაიღუპა.

ავტობუსში ჰოკეის ახალგაზრდული გუნდის წევრები ისხდნენ. სულ მძღოლიანად იქ 28 ადამიანი იმყოფებოდა. გუნდი თამაშზე მიდიოდა.

დანარჩენი 14 საავადმყოფოშია გადაყვანილი, აქედან სამის მდგომარეობა კრიტიკულია.

გუნდის მოთამაშეთა ასაკი 16-დან 21 წლამდე მერყეობდა.

ავარიას გამოეხმაურა კანადის პრემიერ-მინისტრი ჯასტინ ტრიუდო.

„ვერც წარმოვიდგენ, რისი გადატანა უწევთ მშობლებს“, - დაწერა კანადის პრემიერმა.