უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
მსოფლიო
კატალონიის ეფექტი? - იტალიის 2-მა უმდიდრესმა რეგიონმა რომისგან მეტი ავტონომია მოითხოვა
იტალიის 2-მა უმდიდრესმა ჩრდილოეთ რეგიონმა - ვენეტომ და ლომბარდიამ, კვირას ჩატარებულ რეფერენდუმში ავტონომიას დაუჭირა მხარი. ამის შესახებ AP წერს.
რეგიონები რომისგან ითხოვენ მეტ დამოუკიდებლობას ისეთი საკითხების გადაწყვეტაში, როგორებიცაა იმიგრაციას უსაფრთხოება, განათლება და გარემო.
„ეს დიდი ძვრაა ინსტიტუციურ რეფორმაში.
ჩვენ დავრწმუნდით და ვიმედოვნებთ, რომი გაგვიგებს, რომ ეს პოლიტიკური პარტიის კი არა, ხალხის ნებაა“,- განაცხადა ვენეტოს რეგიონის პრეზიდენტმა ლუკა ზაიამ.
ლომბარდიის ლიდერმა რობერტო მარონიმ კი განაცხადა, რომ მიღებული ხმებით ორივე რეგიონმა „შეიძლება გააერთიანოს ძალები საუკუნის დაპირისპირების მოსაწყობად“.
ორივე რეგიონის ლიდერების თქმით, ცენტრალურ ხელისუფლებასთან შეხვედრამდე ისინი საბოლოოდ შეათანხმებენ თავის მოთხოვნებს რეგიონულ საბჭოებთან.
კატალონიისგან განსხვავებით, იტალიის რეგიონები დამოუკიდებლობის გამოცხადებას არ აპირებენ. გარდა ამისა, ვენეტოსა და ლომბარდიაში ჩატარებული რეფერენდუმი ქვეყნის საკონსტიტუციო სასამართლომაც აღიარა.
მიუხედავად ამისა, ავტონომიის გაფართოება რომის ავტორიტეტზე სერიოზული დარტყმა შეიძლება აღმოჩნდეს. საქმე ისაა, რომ ვენეტოსა და ლომბარდიაზე მოდის იტალიის მშპ-ის 30%, ასევე მთლიან ამომრჩეველთა ერთი-მეოთხედი.
მარონის ინფორმაციით, ლომბარდიაში ამომრჩეველთა 40%-იანი აქტივობა დაფიქსირდა. აქედან 95%-მა ავტონომიის გაფართოებას მხარი დაუჭირა. სულ ლომბარდიაში 8 მილიონი ამომრჩეველია აღრიცხული.
4 მილიონი ამომრჩევლის მქონე ვენეტოში 60%-იანი დასწრება დაფიქსირდა. აქედან 98%-მა ხმა მისცა რეგიონის ავტონომიას.
იტალიის 5 რეგიონი უკვე სარგებლობს სხვადასხვა დონის ავტონომიით. მათ შორისაა გერმანულენოვანი ტრენტინო-ალტო ადიჯე, ფრანგულენოვანი აოსტა, სარდინიისა და სიცილიის კონძულები და ფრიული-ვენეცია-ჯიულია ცივი ომის დროს ყოფილ იუგოსლავიასთან მეზობლობის გამო.
ანა მებურიშვილი