უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
„ხაზარაძე-რუხაძის ალიანსს სასამართლოს დაშანტაჟების მეტი არგუმენტი არ დარჩა“
ვანო ჩხარტიშვილის პრეს სამსახური განცხადებას ავრცელებს, რომელსაც მედიანიუსი უცვლელად გთავაზობთ.
„გუშინ ტელეკომპანია „იმედმა“ ვრცელი სიუჟეტი მიუძღვანა სასამართლო დავას, რომელიც ფოთის წისქვილქარხნის გარშემო წლებია მიმდინარეობს. ტელეკომპანია უკვე მერამდენედ ცდილობს სასამართლო პროცესის წინა დღეს ფაქტების გამიზნული გაყალბებით ზეწოლა მოახდინოს სასამართლოზე. სამწუხაროდ, ტელეკომპანია „იმედი“ გამონაკლისი არ არის - თვეებია ბიზნესმენ ვანო ჩხარტიშვილის წინააღმდეგ მედიაში მისი დისკრედიტაციის მიზნით დაფინანსებული კამპანია მიმდინარეობს.
არადა, საკითხი ბანალურად მარტივია: 2010 წელს სააკაშვილის რეჟიმისაგან დევნილმა ვანო ჩხარტიშვილმა თავი დიდ ბრიტანეთს შეაფარა, მისი აქტივები კი მოძალადე რეჟიმმა მიისაკუთრა. მათ შორის იყო ფოთის წისქვილქარხანა. ამ აქტივის მითვისებაში 2010 წელს პროკურტურასთან, შსს-სთან და ნოტარიუსად ქცეულ სასამართლოსთან ერთად აქტიურად მონაწილეობდნენ რეჟიმთან გარიგებაში მყოფი კერძო იურიდიული და ფიზიკური პირები. დღეს ამ დანაშაულებრივი სქემის მონაწილე სუბიექტები: თი ბი სი ბანკი, ბიზნესმენები მამუკა ხაზარაძე და კოკი ოსიპოვი, არ გააჩნიათ რა სამართლებრივი არგუმენტები და არ გააჩნიათ რა სიმართლე, მედიიდან ცდილობენ დააშანტაჟონ სასამართლო სისტემა და მოსამართლეებს ფსიქოლოგიური წნეხის ქვეშ მათთვის სასურველი გადაწყვეტილება მიაღებინონ.
ბოლო დროს ამ კამპანიაში აქტიურად ჩაერთო პატარკაციშვილის ქვრივის ნდობით აღჭურვილი ირაკლი რუხაძე. ვანო ჩხარტიშვილსა და პატარკაციშვილებს შორის მიმდინარე სასამართლო დავიდან გამომდინარე, მან ალიანსი შეკრა მამუკა ხაზარაძესთან და პატარკაციშვილების საკუთრებაში მყოფი „იმედი“ საკუთარ და ხაზარაძის პროპაგანდისტულ ბიუროდ აქცია, ზოგიერთი ჟურნალისტი კი პროპაგანდისტული მანქანის რუპორად. ცილისმწამებლურ კამპანიაში მონაწილე თითოეული ასეთი ჟურნალისტის მიმართ ჩვენ დავაყენებთ ფინანსური და სამართლებრივი პასუხისმგებლობის საკითხს.
ვანო ჩხარტიშვილი არ ყოფილა სააკაშვილის რეჟიმის მიერ ბიზნესების დარეკეტების ერთადერთი მსხვერპლი, ხოლო თი ი სი ბანკი მხოლოდ ამ საქმეში მონაწილე. ჩვენ სასამართლოს გზით ვცდილობთ სამართლიანობის აღდგენას და ყველა დაზარალებულს მოვუწოდებთ ასე მოიქცნენ, რადგან ვერც შანტაჟი და ვერც ამგვარი კამპანიები ვერ გაათეთრებს წარსულის ძალადობასა და ვერ შეაჩერებს საქართველოში სამართლიანობის აღდგენის შეუქცევად პროცესს“, _ ნათქვამია ვანო ჩხარტიშვილის პრესსამსახურის განცხადებაში.
NS