სამართალი

ხორავას ქუჩაზე მოსწავლის მკვლელობაში ბრალდებული პირის სასამართლო პროცესი გაიმართება

დღეს 12:30 საათზე თბილისის საქალაქო სასამართლოში დაინიშნა სასამართლო პროცესი ხორავას ქუჩაზე სკოლის მოსწავლის მკვლელობაში ბრალდებული პირისთვის აღკვეთის ღონისძიების შეფარდებაზე.

პროკურატურა ბრალდებულისთვის აღკვეთის ღონისძიების სახით პატიმრობის შეფარდებას ითხოვს.

1-ელ დეკემბერს ხორავას ქუჩაზე 51-ე სკოლის ორი მოსწავლე დაჭრეს. ერთ-ერთი მათგანი იმავე დღეს, საავადმყოფოში მიყვანამდე გარდაიცვალა, მეორე კი - 2 დეკემბერს. პოლიციამ შაბათს პირველი ექსპერიმენტული სკოლის მოსწავლე ცხელ კვალზე დააკავა, ხოლო მეორე მოზარდის დაკავების მიზნით ოპერატიულ-სამძებრო სამუშაოები ამ დრომდე გრძელდება.