სამართალი

კრიმინალთან ეფექტური ბრძოლისთვის გადამწყვეტია უწყებათაშორისი გამაერთიანებელი პროგრამები-გიორგი მარგველაშვილი

საქართველოს პრეზიდენტის გიორგი მარგველაშვილის განცხადებით, კრიმინალთან ეფექტური ბრძოლისთვის გადამწყვეტია უწყებათაშორისი და ამავე დროს, საზოგადოების გამაერთიანებელი პროგრამები.

ამის შესახებ მარგველაშვილმა პარლამენტში ყოველწლიური გამოსვლისას განაცხადა.

„რაც შეეხება კრიმინოგენულ ვითარებას, რაც ასევე აღელვებს საზოგადოებას- ადრეც მითქვამს, კრიმინალთან ეფექტური ბრძოლისთვის გადამწყვეტია უწყებათაშორისი და ამავე დროს, საზოგადოების გამაერთიანებელი პროგრამები. ასეთი თანამშრომლობის კარგი მაგალითია, ოჯახური ძალადობის წინააღმდეგ მიმართული კამპანია, რომელიც ერთობლივად განხორციელდა რამდენიმე სახელმწიფო უწყების მიერ და რომელმაც მნიშვნელოვან წარმატებას მიაღწია. ასეთი პროგრამების განხორციელებაში, გიდასტურებთ ჩემს მხარდაჭერას”,-აღნიშნა პრეზიდენტმა.

მონიკა დავლიანიძე