პოლიტიკა
მაიკ პენსის ვიზიტი იყო აშშ-ის მიერ ოკუპირებული ტერიტორიების არაღიარების პოლიტიკის გამოხატულება - ლევან იზორია
საქართველოს თავდაცვის მინისტრის, ლევან იზორია აშშ-ის ვიცე-პრეზიდენტის, მაიკ პენსის ვიზიტს გამოეხმაურა. მისი თქმით, პენსის ჩამოსვლა ოკუპირებული ტერიტორიების არაღიარების პოლიტიკის გამოხატულება იყო. ამის შესახებ მან მთავრობის სხდომის დასრულების შემდეგ განაცხადა.
„აშშ-ს ვიცე-პრეზიდენტმა განაცხადა, რომ მისი ვიზიტი, საქართველოში მისი ჩამოსვლის ფაქტი არის სწორედ ოკუპირებული ტერიტორიების არაღიარების პოლიტიკის გამოხატულება, ქვეყნის ტერიტორიული მთლიანობისა და სუვერენტეტის პრინციპული მხარდაჭერა. მან ასევე აღნიშნა, რომ ჩვენს ქვეყნებს შორის სტატეგიული თანამშრომლობის ასეთი მაღალი ხარისხი მანამდე არ ყოფილა, რაც ბუნებრივია, არის განსაკუთრებით ბოლო ხუთი წლის განმავლობაში მიღწეული პროგრესის დამსახურება“, - განუცხადა იზორიამ ჟურნალისტებს.
აშშ-ის ვიცე-პრეზიდენტი მაიკ პენსი საქართველოში ორდღიანი ( 31 ივლისი- 1 აგვისტო) ვიზიტით იმყოფებოდა.
ანა მებურიშვილი