მსოფლიო

მექსიკაში 7,2 მაგნიტუდის სიმძლავრის მიწისძვრა მოხდა

7,2 მაგნიტუდის სიმძლავრის მიწისძვრა მოხდა რამდენიმე საათის წინ მექსიკაში, ოაჰაკას შტატში. ინფორმაცია ამის შესახებ აშშ-ის გეოლოგიური სამსახურმა ((USGS) გაავრცელა.

მიწისქვეშა ბიძგების ეპიცენტრი დასახლებულ პუნქტ პინოტეპა დე დონ ლუისის ჩრდილოეთ-აღმოსავლეთით იყო. სეიმურმა ტალღებმა ქვეყნის დედაქალაქამდეც მიაღწია, რომელიც ეპიცენტრიდან 350 კმ-ში მდებარეობს.

გეოლოგიური სამსახურის ინფორმაციით, ცუნამის საფრთხე არ არსებობს. ხელისუფლების ცნობით, მიწისძვრას მსხვერპლი არ მოჰყოლია.

მექსიკაში ძლიერი მიწისძვრების შემთხვევები არც თუ ისე შორ ისტორიულ წარსულშიც დაფიქსირებულა. მაგალითად, 1985 წელს 8 მაგნიტუდის სიმძლავრის მიწისძვრამ მეხიკოში 9500 ადამიანის სიცოცხლე შეიწირა.

ცირა გურგენიძე