უკან

მსოფლიო

31 მაისი, 2018 11:05
font-size

მოდელირებული ქრონიკა უკრაინულად - 2 დღის წინ „მოკლული“ რუსი ჟურნალისტი ცოცხალი აღმოჩნდა

2 დღის წინ „მოკლული“ რუსი სამხედრო ჟურნალისტი არკადი ბაბჩენკო ცოცხალი ყოფილა. ამის შესახებ საგანგებო პრესკონფერენციაზე უკრაინის უსაფრთხოების სამსახურის ხელმძღვანელმა ვასილი გრიცაკმა განაცხადა. ჟურნალისტის „მკვლელობა“ სპეცოპერაცია იყო, რომლის მიზანი იყო უკრაინაში დაგეგმილი ტერორისტული აქტების დამკვეთების გამოვლინება.

გრიცაკის განმარტებით, უკრაინის უსაფრთხოების სამსახურმა მიიღო ინფორმაცია, რომ ბაბჩენკოს მკვლელობა იგეგმებოდა. მისი თქმით, უწყებამ ინფორმატორებთან „კონფიდენციალური თანამშრომლობა“ დაამყარა.

მიღებული ინფორმაციის შემდეგ დაიწყო სპეცოპერაცია, რომელშიც იყო დაცული „კონსპირაციის მაქსიმალური ზომები“. გრიცაკს არ დაუსახელებია, რამდენი ადამიანი იყო საქმის კურსში.

სპეცოპერაციით დადგინდა, რომ ბაბჩენკოს „მკვლელობას“ რუსული სპეცსამსახურები ამზადებდნენ.

„ბაბჩენკოს მიმართ ტერორისტული აქტის მომზადება იყო რუსული სპეცსამსახურების ოპერაციის მხოლოდ ერთი ელემენტი, რომლის მიზანია იმ რუსეთის ფედერაციის მოქალაქეების განადგურება, რომლებმაც თავისი პოლიტიკური მრწამსის გამო იძულებულები გახდნენ, დაეტოვებინათ რუსეთი და ეცხოვრათ უკრაინასა და ევროკავშირის სხვა სახელმწიფოებში“, -დასძინა გრიცაკმა.

რუსეთის სპეცსამსახურებმა დაგეგმილი მკვლელობისთვის გადმოიბირეს უკრაინის მოქალაქე, ვინმე „გ“, რომელსაც დაავალეს ფულადი ჯილდოს სანაცვლოდ იმ ხალხის მოძებნა, ვინც განახორციელებდა ტერორისტულ აქტებს. „გ“-მ 30 000 დოლარის სანაცვლოდ შესთავაზა თავის ნაცნობს, უკრაინის აღმოსავლეთით მიმდინარე ომის ყოფილ მონაწილეს, ბაბჩენკოს მოკვლა. გრიცაკის თქმით, წინასწარ მკვლელებს 15 000 დოლარი გადასცეს.

გრიცაკმა დაამატა, რომ ფულის გარდა ორგანიზატორმა რუსეთის სპეცსამსახურების მეშვეობით „მკვლელობის“ შემსრულებელს მესენჯერით გადასცა ბაბჩენკოს დოსიე, რომელიც შეიცავდა დაწვრილებით ინფორმაციას ჟურნალისტის პირადი ცხოვრებისა და მისი საქმიანობის შესახებ.

თვითონ ბაბჩენკომ განაცხადა, რომ „მკვლელობის“ ინსცენირებისთვის უკრაინის უსაფრთხოების სამსახური 2 თვის განმავლობაში ემზადებოდა, თვითონ ჟურნალისტმა ამის შესახებ ერთი თვის წინ შეიტყო.

„ამ თვის განმავლობაში ვხედავდი, როგორ მუშაობდნენ ბიჭები, როგორ თხრიდნენ, კამეჩებივით, როგორ ხნავდნენ. მთელი თვის განმავლობაში ხაზზე ვიყავით, ვფიქრობდით, ვამუშავებდით, ვმოქმედებდით და ეს შეჯამდა ამ სპეცოპერაციით, რომლის შედეგად დანაშაული დამტკიცდა“, -აღნიშნა ბაბჩენკო.

„ჩემი საქმე შევასრულე. ჯერ კიდევ ცოცხალი ვარ, ვერ მოესწრებიან“, - დაამატა ჟურნალისტმა.

ჟურნალისტმა ბოდიში მოუხადა მეგობრებსა და ოჯახს, რომლებმაც არ იცოდნენ დადგმული მკვლელობის შესახებ.

„მაპატიეთ, რომ გაიძულეთ ამის გადატანა, მაგრამ სხვანაირად უბრალოდ არ შეიძლებოდა“, -დასძინა ბაბჩენკომ.

გრიცაკმა დაამატა, რომ უკრაინის ტერიტორიაზე 30 ადამიანის მკვლელობა იგეგმებოდა, ძირითადად ისინი რუსეთის მოქალაქეები არიან, ჟურნალისტები და აქტივისტები, რომლებიც რუსეთის ხელისუფლებას აკრიტიკებენ. თვითონ უკრაინის უსაფრთხოების სამსახურისთვის რამდენიმე „პოტენციური მსხვერპლის“ სახელია ცნობილი.

ინფორმაცია ბაბჩენკოს „მკვლელობის“ შესახებ ორშაბათ საღამოს გავრცელდა. როგორც უკრაინული მედია წერდა, სამხედრო ჟურნალისტი ზურგში ცეცხლსასროლი იარაღიდან მიყენებული ჭრილობებით „დაიღუპა“.

ცნობისთვის, ეს არაა პირველი შემთხვევა, როცა უკრაინის სპეცსამსახურები დანაშაულს დგამენ რუსი კოლეგების საქმიანობის გამოვლენის მიზნით. მსგავსი ხმაურიანი სპეცოპერაცია 2016 წელს ჩატარდა. მაშინ უკრაინელი სამართალდამცველები ცდილობდნენ, აღეკვეთათ რუსეთის უსაფრთხოების ფედერალური სამსახურის (ФСБ) ყოფილი ოფიცრის, ილია ბოგდანოვის მოტაცება, რომელიც უნდა მომხდარიყო რუსული სპეცსამსახურების დაკვეთით.

ფინანსური კანონმდებლობის დარღვევის ბრალდებით Nissan-ის ხელმძღვანელი დააკავეს

19 ნოემბერი, 2018 , 16:25

იაპონიაში ფინანსური კანონმდებლობის დარღვევის ბრალდებით Nissan-ის ხელმძღვანელი კარლოს გონი დააკავეს. კარლოს გონს შემოსავლების მიზანმიმართულად არასწორ წარდგენას ედავებიან. კომპანიაში ჩატარებული შიდა შემოწმების შედეგად გამო

ისრაელის პრემიერ-მინისტრმა ბენიამინ ნეთანიაჰუმ თავდაცვის მინისტრის პოსტი შეითავსა

19 ნოემბერი, 2018 , 11:20

ისრაელის პრემიერ-მინისტრმა ბენიამინ ნეთანიაჰუმ სამთავრობო კოალიციის შიგნით არსებული წინააღმდეგობის მიუხედავად თავდაცვის მინისტრის პოსტი შეითავსა. გარდა ამისა, ის  ვადამდელი არჩევნების წინააღმდეგ გამოვიდა. ნეთანიაჰუს

საფრანგეთში საწვავის ფასების ზრდის საწინააღმდეგო აქციაზე ერთი ადამიანი დაიღუპა

17 ნოემბერი, 2018 , 16:55

საფრანგეთში საწვავის ფასების ზრდის საწინააღმდეგო აქციაზე ერთი ადამიანი დაიღუპა. ინციდენტი სავოიას სამხრეთ-აღმოსავლეთ ნაწილში მოხდა. მძღოლს თავისი ქალიშვილი საავადმყოფოში მიჰყავდა, როცა 50-მა დემონსტანტმა მას გზა გადაუკეტ

CIA-მ დაასკვნა, რომ ჟურნალისტი ჯამალ ჰაშოგი საუდის არაბეთის მემკვიდრე პრინცის დავალებით მოკლეს

17 ნოემბერი, 2018 , 13:00

აშშ-ის ცენტრალური სადაზვერვო სააგენტომ (CIA) დაასკვნა, რომ სწორედ საუდის არაბეთის მემკვიდრე პრინცმა მუხამედ ბინ სალმანმა ჟურნალისტ ჯამალ ჰაშოგის მკვლელობის ბრძანება გასცა. ამის შესახებ წყარომ The Washington Post-ს აუწყა.

არგენტინაში ერთი წლის წინ გაუჩინარებულ წყალქვეშა ნავს მიაგნეს

17 ნოემბერი, 2018 , 13:00

არგენტინაში ერთი წლის წინ გაუჩინარებულ წყალქვეშა ნავ „სან-ხუანს“ ატლანტის ოკეანეს ფსკერზე მიაგნეს. ადგილობრივი მედიის ინფორმაციით, „სან-ხუანი“დისტანციური მართვის აპარატის საშუალებით, 800 მეტრის სი

71 დაღუპული, 1000-ზე მეტი დაკარგული - კალიფორნიაში მასშტაბურ ხანძრებს ჯერ კიდევ ვერ აქრობენ

17 ნოემბერი, 2018 , 11:26

აშშ-ში, კალიფორნიაში მასშტაბური ტყის ხანძრებს სულ მცირე 71 ადამიანის სიცოცხლე ემსხვერპლა, 1011   კი დაკარგულად ითვლება. წინა მონაცემებით, დაკარგულად 631 ადამიანი მიიჩნეოდა, ხოლო დაღუპულად - 63. ერთ-ერთი ოლქის შ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`