უკან
არქივი
მსოფლიო
11 აპრილი, 2018 16:05
მოემზადე, რუსეთო, იმიტომ რომ წამოვა მშვენიერი, ახალი და ჭკვიანი რაკეტები - დონალდ ტრამპი
აშშ-ის პრეზიდენტი დონალდ ტრამპი გამოეხმაურა ლიბანში რუსეთის ელჩის, ალექსანდრე ზასიპკინის განცხადებას, რომ სირიაზე აშშ-ის აგრესიის შემთხვევაში რუსეთი ყველა რაკეტას ჩამოაგდებს. ტრამპმა მოსკოვი გააფრთხილა, რომ რაკეტებს გაუშვებს.
„რუსეთი დაპირდა, რომ ჩამოაგდებს სირიის მიმართულებით გაშვებულ ნებისმიერ რაკეტას. მოემზადე, რუსეთო, იმიტომ რომ წამოვა მშვენიერი, ახალი და ჭკვიანი რაკეტები. შენ არ უნდა იყო გაზის მკვლელი ცხოველის პარტნიორი, რომელიც ხალხს კლავს და ამისგან სიამოვნებას იღებს“, -დაწერა ტრამპმა ტვიტერზე.
ორშაბათს სამხედრო ლიდერებთან და ეროვნული უშიშროების მრჩევლებთან შეხვედრაზე ტრამპმა განაცხადა, რომ სირიის ქალაქ დუმაში განხორციელებულ ქიმიურ თავდასხმაზე სწრაფ და ქმედით პასუხს გასცემს.